遊戲橘子（Gamania）登陸香港剛好10年，幾日前更大搞10周年紀念派對，仲請來性感女神雷凱欣同A.Lin試玩即將推出嘅重量級線上遊戲《龍之谷》添！遊戲在韓國封測時更被譽為最有影響力嘅線上遊戲之一，連自命「宅女」同玩開打喪屍遊戲嘅雷凱欣都玩到唔停得手！
相比其他MMORPG，《龍之谷》在聲畫上都有極出色嘅表現，除咗在韓國封測時取得極佳反應外，上個月在日本公測時，更成為今年上半年反應最好嘅新上市線上遊戲，絕對令人期待。 在10周年紀念派對上，Gamania更擺上幾台Notebook畀大家試玩日版《龍之谷》，唔單止用上日文選單、字幕，而且仲係收錄日本聲優群嘅版本，不過之後香港推出嘅版本將會用上繁體中文。遊戲角色設定相當生動，而且非常着重故事劇情嘅推進，遊戲會按照不同的角色特性去塑造各自嘅主線故事，更會以相應動畫交代劇情，細膩地刻劃出每個角色嘅性格，好有睇動畫嘅感覺！ 《龍之谷》最強之處嘅係作為一款MMORPG遊戲，畫面嘅細緻同流暢度，都跟單機遊戲非常接近；在次世代開發引擎幫助下，其3D動作戰鬥系統，更一改過往MMORPG只係回合式玩法，玩家可以按下W、S、D、A作為方向鍵來控制角色移動，及以滑鼠來控制視點！ 從現場試玩版本已可以見到，遊戲中所有角色嘅攻擊、翻滾同跳躍動作都十分之真實，3D畫面表現出色流暢，打怪都打得特別爽；背景音樂同音效亦有極高水準，每個遊戲場景都配上不同嘅音效，當怪物殺到時更會自動轉為緊張配樂，甚至連NPC鐵匠打鐵、鑄鐵時嘅音效都做到似模似樣，實在抵讚！ 類 型：MMORPG 平 台：PC 開 發：Eyedentity Games 推出日期：下半年 MMORPG是「Massive Multiplayer Online Role-Player Game」的縮寫，即大型多人線上角色扮演遊戲，玩家需要在一個設定好的虛擬世界內扮演各自創立的角色。遊戲中玩家之間可即時通訊，或者組隊合力打怪，甚至結盟攻打其他玩家部落，形成一個獨特的遊戲社群；同樣地，MMORPG亦保留了傳統RPG遊戲的升呢特色，依靠不斷完成任務或戰鬥來增加經驗值，從而提升角色的各項屬性和技能。包括早期的《天堂 II》、《Ultima Online》，到近期的《World of Warcraft》、《天龍八部》等都是膾炙人口的MMORPG遊戲。 除咗主力嘅《龍之谷》外，Gamania都趁住呢次10周年派對，預告埋來年會推出嘅5套線上遊戲，包括有《HERO 108》、《幻月之歌》、《劍雨江湖》、《Langrisser》同《Project Core》，每隻都有唔同特色。不過派對現場就無提供試玩，只係播放遊戲影片畀觀眾吊吓癮。 A.Lin喺現場試玩過《龍之谷》後，都話好鍾意遊戲嘅角色同畫面設計，而且操作比想像中容易，不過相比之下，佢都係鍾意舊年出嘅《反斗西遊》多啲，唔知同佢有份代言有冇關係呢？
為配合10周年主題，Gamania仲搵來一班Model重新演譯呢10年來嘅Promoter服飾。
現場提供嘅係日文試玩版，仲收錄咗大量日本聲優配音。
着重劇情 似睇動畫
將滑鼠游標移到怪物上按左鍵，就可作出攻擊，不過要留意怪物唔會企定定畀你打。
遊戲同樣着重每個角色嘅故事推進，更會以動畫交代劇情。
動作流暢度甚高，似單機遊戲多過線上MMORPG。
攻擊翻滾3D作戰系統
《HERO 108》改編自同名原創動畫，玩法刺激，更具有強烈嘅漫畫風格。
《幻月之歌》為自家開發嘅日系MMORPG遊戲，迎合香港玩家口味。
A.Lin
遊戲檔案
生活通識：MMORPG多人線上混戰升呢
5套大作 年內登場
A.Lin：比想像中易玩
留言列表
