去年徐子珊在歌、影、視三方面均大豐收，她坦言希望今年更上層樓，卻遭滑鐵盧。近日她除和有婦之夫馬德鐘傳緋聞外，又遇上唱片公司重組，出碟遙遙無期。
更慘的是，身為無綫親生女的徐子珊本在劇集《洪武三十二》中擔正，一人分飾兩角，有極大發揮。可惜因她表現強差人意，為免拖垮製作，監製即安排子珊在劇集中段死去，將戲份分給新人馬賽和陳倩揚，徐子珊戲份驟降，淪為陪襯，認真慘情！
以明朝「靖難之變」為背景的劇集《洪武三十二》，由上位監製黃偉聲揸旗，找來馬德鐘、陳鍵鋒、謝天華、徐子珊和外援江若琳主演，全劇共三十集。劇中徐子珊一人分飾兩角，分別飾演表面為青樓老闆娘，實為錦衣衛的「千三娘」，以及千三娘妹妹「楚楚」，比另一女主角江若琳更有發揮。
千三娘是由飾演敖笑風的謝天華委派到燕王馬德鐘身邊做臥底，角色亦正亦邪，而楚楚一角則溫馴簡單。一個奸一個忠，角色本來有極大發揮，怎料千三娘竟在十五集後死去，令子珊戲份驟減。「我哋睇到劇本之後都覺得好驚訝，徐子珊本身係女主角，千三娘死咗之後仲有個楚楚，但楚楚每集只係間中出現吓，可以講係可有可冇。子珊近日開工面口都好黑，但劇本已經出晒，乜嘢都塵埃落定，所以幾黑都冇用。」劇組工作人員透露。
監製直認死去
忽然被減戲份，據知是徐子珊駕御不到角色，監製黃偉聲惟有cut子珊戲份。劇組人員再說：「其實子珊演得幾辛苦，佢既要做硬朗錦衣衛，又要做一個風韻猶存嘅青樓老闆娘，但弱質女子楚楚又不時間場出現，真係少啲功力都做唔到。子珊演技雖然唔差，但仲未可以拿揑得到。喺劇集中段，千三娘會死，所以喺十五集至二十一集，子珊每集都只係有一、兩場戲（每集共有廿多場戲）。二十一集之後先多番少少，結局子珊雖然能夠成為馬德鐘皇妃，但都係得兩場戲。難聽啲講句，馬賽嘅由官家小姐變婢女，陳倩揚嘅「燕王妃」都重戲過佢。至於江若琳因為與陳鍵鋒、馬德鐘發展另一條主線，所以三十集都會見到佢，戲份多好多。」
對於自己戲份被cut，上周一（12日）徐子珊小心回應說：「唔係，戲份差唔多啦！」此時經理人插嘴說：「總之套戲拍完佢就冇啦！」至於緋聞男友馬德鐘則力撐子珊：「佢係女主角，戲份梗係多啦！」而監製黃偉聲在電話中，雖然極力維護子珊演得好，不過亦承認十五集後子珊會死去，他說：「佢一人演兩個角色，因為之前戲份多，死咗之後淨番一個（楚楚），所以先有咁嘅感覺啫！」說完即匆匆收線。
戲份差唔多啦！（真實對白）
徐子珊拍電影演技備受讚賞，但在電視劇中表現平平。今次在《洪武三十二》中擔演重要角色，但因為失準而被cut減戲份。上周一（12日），她回應事件時雖然否認，但卻苦笑扁嘴。
向來電力無限的徐子珊曾與不少同劇男演員傳出緋聞。今次拍攝《洪武三十二》又被傳與馬德鐘撻着。當記者問馬德鐘，徐子珊戲份是否被cut時，他即力撐沒有。
江若琳︰第一女主角
cut子珊戲份？係咩，唔清楚喎，劇本係監製同編劇安排，我唔知呀！
陳倩揚︰瓜分戲份
冇聽過咁嘅事！我只係做好自己嘅角色，其他嘢要問番公司。
馬賽︰瓜分戲份
在陳山聰的微博中，見到正在開工的徐子珊趁陳鍵鋒（右）小休時，在旁邊拍照留念，非常清閒。
貴為梁家樹陣營頭馬的黃偉聲（黑衣），早前在珍姐曾勵珍手上奪去處境喜劇的製作權，拍攝了《女王辦公室》，口碑不俗。今次黃負責《洪》片，一定不容有失。
上周一（12日）馬德鐘回應完記者的問題後，在化妝間遇到緋聞女友徐子珊，隨即非常避忌，未有與對方打招呼。
徐子珊演技差戲份被剪 由主角慘淪爲陪襯
去年徐子珊在歌、影、視三方面均大豐收，她坦言希望今年更上層樓，卻遭滑鐵盧。近日她除和有婦之夫馬德鍾傳绯聞外，又遇上唱片公司重組，出碟遙遙無期。
更慘的是，身爲TVB親生女的徐子珊本在劇集《洪武三十二》中做主角，一人分飾兩角，有極大發揮。可惜因她表現差強人意，爲免拖垮制作，監制即安排徐子珊在劇集中段死去，將戲份分給新人馬賽和陳倩揚，徐子珊戲份驟降，淪爲陪襯，十分可憐！
留言列表
