歌手羽翹（Ava）自彈自唱，以靚聲成為網上紅人，原來教美容、化妝亦有一手，最近更出書講解秘技。夏日炎炎，想吸油爽膚當然難唔到Ava，但講到為食物「吸油」，佢就請教主打紙上燒的新餐廳Kushi One，一張白紙即令肉類、海鮮燒得嫩滑少油，勁過敷Mask！
讀生物系的Ava經常分享美容心得，繼早前踢爆骨膠原不能靠食蛋白質補充、教用蜜糖加黃糖為嘴唇做磨砂之後，今次就教大家潔膚爽膚：「有面油是因為肌膚乾燥，而當天氣愈熱，面油就會愈出愈多。大家不妨噴點補濕水，用紙巾抹乾後再補粉，治本方法則是多敷補濕、深層清潔Mask。」 見Ava講得頭頭是道，小記改口問如何幫食物「吸油」，結果佢話答案在新餐廳Kushi One內。老闆張先生曾在日本北海道品嘗紙上燒，即覺驚為天人，非引進這創新食法不可，還加以改良，例如以電磁爐代替明火，減少油煙，然後在特製的雙層鍋鋪上吸油紙才燒烤，將肉類、海鮮的肉汁鎖住，入口分外嫩滑美味，張先生更指可保存食材營養，有益健康。 Ava即席試燒，見她熟練地用夾烹調烤肉，傳來陣陣肉香，而堅韌的紙張能抵擋高溫，將烤肉、海鮮燒得外皮微焦，更加吸引。話咁快有得食，Ava樂於「自作自受」：「我覺得紙上燒比一般日式燒烤效果好，烤肉嫩滑Juicy，又冇咁熱氣。張紙就好似補濕Mask咁，食物「敷」完更正！如果配埋喜馬拉雅山岩鹽，點埋燒汁、海鮮汁及芝麻醬食，真係停唔到口。」 咪睇Ava今餐開懷大嚼，其實平日食得節制，要保持最佳身形。她笑言：「平時喺屋企食少啲，又比較清淡，但一出街開餐就唔理咁多，食咗再算啦。」原來Ava視飲飲食食為樂趣，是一大減壓良方：「最怕人哋將食物浸落熱水去油分，冇晒味道，睇見就唔想食。都係食紙上燒開心啲，有吸油紙幫手吸油，點都食得放心。」 自言極愛日本菜的Ava，經常同朋友食串燒、Shabu Shabu及日式烤肉等，最愛那熱鬧、輕鬆的氣氛，分享美食特別滋味。餐廳除以紙上燒作主打外，亦提供不同和食，包括卷物、串燒、刺身等，由20多年經驗的和師傅坐鎮，更創出如玫瑰花壽司杯、和式黑松露溫泉蛋沙律，以及熱食的神串一壽司酥皮卷等，甚有心思。 紙上燒用的紙，質地似牛油紙但較為厚身，有少少「鞋」手。老闆張先生曾以牛油紙、蠟紙嘗試，但效果未如理想，最後找來這款來自瑞士的紙張，貪其質地堅韌，不會燒穿。 查詢：2423 7555
汁燒黃太子免治雞肉棒 $18
混入韭菜、鹹蛋黃（即黃太子）、洋葱及雞蛋，經師傅反覆手打，彈牙入味，蘸蛋黃食可添上滑溜口感，每天限量炮製。 
神串一壽司酥皮卷（熱）$88
熱暖暖的壽司你試過未？壽司飯內藏着芝士、牛油果、香杧及北海道長腳蟹肉等，外圍包着酥皮烘焗，很有新鮮感。
幫食材敷Mask
和式黑松露溫泉蛋沙律 $68
包括黑松露油、胡麻醬、意式沙律油及將凱撒沙律汁混合日本美容汁而成的醬汁，味道層次分明。
特上肉類拼盤 $320/2人份
一次過嘗到澳洲M9和牛薄切、牛柳粒、黑豚肉眼薄切、鴕鳥腎片及雞扒等，食肉獸肯定滿足，腎片的爽脆嫩滑令人難忘。
Mango Manila（左）$28/杯
Kushi One Special（右）$28/杯
Mango Manila以橙汁、杧果醬及甘巴利莓汁調製，酸酸甜甜；而Kushi One Special則以荔枝為主，新鮮荔枝、荔枝醬再配西柚汁等，清新怡人。
牡丹蝦玫瑰花壽司杯 $55
以雞尾酒杯裝着「壽司」，賣相有新鮮感，壽司飯以玫瑰花茶煮過，特別幽香，再鋪上新鮮牡丹蝦，另附上玫瑰花茶一杯，入口浪漫滿瀉。
左起：鹽燒秋葵黑豚肉卷串 $28、汁燒海鮮串 $28、鹽燒日本銀杏串 $20
這裏的燒物也不錯，燒得香口非常，佐酒一流。
紙上燒用的紙
師傅創新和食
羽翹近況
繼電影《出水芙蓉》上映後，現忙於宣傳新書《Girls Talk》，分享多年扮靚心得，月底將有親自作曲作詞的新歌派台。
剪幾個窿，唔止燒肉，做吸油Mask都得呀！
餐廳布置以綠色為主，設有卡座及貴賓房等；而每張枱上都有電磁爐，方便大燒特燒。
紙上最強
特上海鮮拼盤 $380/2人份
集合北海道蟹腳、銀鱈魚、廣島蠔、大蜆及珍寶帶子等，分量十足，邊烤邊以喜馬拉雅山岩鹽調味，可提升海鮮味道。
留言列表
