提起「波子王」歐陽若曦（ Darryl）雖然今年不再代表保時捷車隊，但相約訪問大談成為首位中國人奪得世界房車錦標賽獨立盃冠軍的感受，第一時間答覆都話要揸波子。向來以追求速度作為職業的他，估不到馬力稍遜 911 GT3的四門波子 Panamera 4S才是他的真正飯後甜品。記者：許維雅攝影：林栢鈞
其他副刊影片 稍獻技 我大叫
訪問前都知好難要 Darryl在賽車場外獻技，當日有心無意令影相過時，他為趕住由大潭出返銅鑼灣應約，迫使他使出真功夫，攝影哥哥立刻舉機，他講笑話：「唔好影咪錶！」他於大潭道飛馳入彎貼牆而行的表現，實在令我身體繃緊兼忍不住大叫呢！但他的神情居然定過抬油囉！大家可上網看看感受吓呢！
放大圖片 
放大圖片 
■現在忙於在歐洲比賽的 Darryl，自言少了在港駕車，有機會都揀車身夠大、坐得舒服的車款。
心繫波子情歸雪佛蘭
今年絕對是香港車手 Darryl一個人生好重要的轉捩點，棄保時捷轉投雪佛蘭，下這個決定絕不容易，為的都是「世界級」這三個字，「之前 GT無世界賽，但自己又想參加多啲世界級賽事。咁啱有機會， Timing又啱，所以決定加入雪佛蘭轉揸房車。」小試半年就已經初嘗分站冠軍的滋味，於葡萄牙的賽事首次奪得獨立盃冠軍， Darryl當中所落的苦功確實不少，「由揸 GT轉揸房車，最唔習慣係由頭驅變尾驅嘅入彎感覺，而且房車速度唔夠 GT快，所以入彎同攝位嘅技術好唔同，會多咗好多碰撞，揸法要狠啲。我家都係適應階段，好彩車隊經驗豐富，教識我好多嘢，大家慢慢夾同做好多資料分析。」雖然已經同波子分手，但仍然感受到 Darryl對波子難捨之情，訪問試車都要求揸保時捷。
放大圖片 
■ Darryl於葡萄牙取得首個 WTCC分站冠軍。
放大圖片 
■ Darryl的新戰驅 Chevrolet Lacetti。
樂做乘客出街不鬥車
講到保時捷的新款車系，怎可不提四門波子 Panamera，先於舊年年尾推出備有 V8引擎的 S、 4S及 Turbo版，而今個月再加推 V6引擎的 Panamera及 Panamera 4兩款。借來四驅 V8偈的 4S給 Darryl試駕，對於少了跑味走房車路線的波子， Darryl反而話更適合他，「雖然我鍾意鬥車，但從來唔鍾意喺街鬥，而且平日我鍾意揸大車，感覺有霸氣啲，所以 Panamera好啱我，可以揸得輕鬆舒服啲，我最欣賞係變咗四門之後，性能依然咁好，仲有佢嘅 PDK波箱，轉波速度快咗好多，同跑車嘅 Manual手波差不多。家坐後面咁舒服，我做乘客都無所謂啦！」要舒緩賽車場上分秒必爭的壓力， Darryl會選擇駕車去南區或大浪灣曬吓太陽輕鬆吓。
放大圖片 
■奶茶色真皮櫳貴氣非凡。
放大圖片 
■後座豪華配備齊全，難怪 Darryl想做乘客。
放大圖片 
■要逐一摸索中控各按鈕的用途，看來要花點時間。
放大圖片 
■享受飆車樂趣時，又豈能少了天窗帶來的開揚感。
放大圖片 
■ 4.8公升 V8引擎可輸出 400匹馬力。
放大圖片 
■出風口隱藏於兩邊車側，低調跑房。
放大圖片 
■特大 445公升容量尾廂，全賴大尾線條設計。
放大圖片 
■賽車場上充滿鬥心，但平日他寧願悠閒開車。
Panamera 4S規格 放大圖片 
■除了 4S，剛到港還有 V6偈的 Panamera及四驅版。
引擎： 4,806cc V8馬力： 400hp/6,500rpm扭力： 500Nm/3,500-5,000rpm傳動：七速 PDK波箱，四驅售價：$1,637,900起查詢： 2926 2911（ Porsche Centre HK） 
■ 8歲已經落場學賽車的他從不在街鬥車，「我會視賽車為運動，唔想俾人標籤係飛仔。」
留言列表
