今年3月因涉貪而被停職的無綫業務總經理陳志雲，本來有連串復出大計，先為商台主持《生死之交•陳志雲》，再聲演《暗中作樂》音樂會，可惜臨門一腳遭無綫以「不太適合接這工作」而要全線告吹。
無綫擺明玩封殺，令陳總甚為冇癮，身邊朋友更慫恿他辭職。本周日（18日）陳總終於相約六嬸方逸華食飯攤牌，暗示去意，迫六嬸表態。
陳志雲於7月初接了商台節目《生死之交•陳志雲》主持工作，並表示分毫不收，更已事先知會無綫，但當他與嘉賓陳寶珠錄好首輯內容翌日，即收到無綫發出的律師信，禁止陳總從事任何工作，令陳總極度沮喪。
陳總身邊好友透露：「Stephen（陳志雲）忙慣，呢幾個月佢好想做嘢。佢以為知會咗無綫就可以做商台節目，仲約好晒13集嘅嘉賓，點知無綫臨時話唔得，令佢覺得好委屈。」
據知事後不少好友勸陳總辭職，知情人士說：「好多朋友見佢咁唔開心，咪叫佢不如辭職算數，反正佢咁有才華，大把機構等住請佢；但亦有朋友話既然佢認為自己清白，幾大都唔好走，直至搞清楚件事為止，而陳總自己曾傾向辭職。」
六嬸採拖字訣
本周日（18日）陳總即時做嘢，主動約六嬸方逸華，於清水灣邵氏大樓食飯攤牌。知情人說：「陳總一路對外都話六嬸係佢世上至親，其實佢哋關係一直都唔差，陳總3月牽涉入貪污案，間中亦有同六嬸見面，佢唔信發律師信係六嬸嘅意思，所以一定要問清楚。」
當晚飯局由八點幾食至十點幾，據知陳總席間表明希望了解公司對他的立場，好讓他訂定新路向。知情人說：「陳總嘅朋友叫佢問六嬸係咪想佢走，如果係嘅，就不如辭職。六嬸一早表明唔想佢幫其他機構做嘢，呢個只係公司政策。六嬸其實一直都話等廉署完成調查之後至會安排。如果陳總係清白嘅，就耐心等候結果。」
向馬天如耍冧
陳總除了和六嬸飯局外，上周四（15日）亦相約狄娜兒子馬天如及律師好友鄧耀榮於中環卑利街吃晚飯。知情人說：「陳總為咗商台嘅節目，已經約齊13位嘉賓，其中一位係好友馬天如。天如不嬲好低調，但佢同陳總老友，所以答應佢接受訪問，點知依家節目要延期，陳總惟有請佢食飯『耍冧』，順道詢問律師鄧耀榮案件進展如何。」睇嚟一日案件未有定論，陳總都難有作為。
15/7 約馬天如晚飯耍冧
除了周日（18日）約會六嬸，上周四（15日）晚上約7時，陳志雲亦約會好友馬天如和律師鄧耀榮到中環卑利街食西式晚餐。據知這是「耍冧飯局」，陳總向答應做嘉賓的馬天如解釋電台節目要延期推出。當時天色已黑，愛低調的馬天如特戴上黑超掩飾身分。
陳總可否與六嬸會面？
身居無綫要職的陳志雲現正牽涉入貪污案，他可否跟電視廣播有限公司副主席兼董事總經理的六嬸會面，律師黃國桐說：「咁要睇吓佢哋傾啲乜。雖然方小姐係高層，但只要佢唔係落口供嘅證人，佢哋係可以見面傾合作內容，並唔會構成妨礙司法公正。」據知六嬸並不是證人之一，因此間中會與陳總會面。
志雲黨點睇
陳志雲停職期間，幾位被列入「志雲黨」的幕後製作人相繼以「公司重整架構」而被解僱。如果陳總一旦請辭，同被譽為「志雲黨」的台前幕後又點睇？
王喜：「唔好意思，我冇意見。」
張繼聰：「我去咗北京做嘢，冇收到有關陳生嘅新動向消息，未了解件事，等返到嚟香港至再講。」
唐詩詠：「我冇聽過陳總想走，不過呢啲敏感時刻會有好多傳聞。如果唔係佢親自公布，外間人都唔應該作評論，所以我冇嘢講。」
錢國偉：「我覺得公司喺廉署調查期間，唔想涉案嘅人物接工作，係有佢嘅理由。我係因為唔想坐喺屋企等至有離開嘅決定，至於陳生亦一定有佢自己嘅諗法。」
我要攤牌！（設計對白）
唔使咁衝動。（設計對白）
陳志雲講過：「永遠都會當方小姐係親人、長輩同朋友。」即使現時工作上遭無綫封殺，私底下仍有跟六嬸會面溝通。《壹週刊》圖片
陳志雲與方逸華本周日（18日）於清水灣的邵氏大樓會面兼食飯。《蘋果日報》圖片
陳志雲為商台錄完首集節目，翌日即收到無綫發出的律師信，副本還交往商台副主席俞琤。《壹週刊》圖片
馬天如落車後，陳志雲軍師鄧耀榮律師再落車，陳志雲則殿後。
晚飯由7點食到9點幾，三人步出食肆時馬天如還撞見朋友，禮貌地跟對方打招呼，而早前因遭封殺而谷病的陳總亦笑笑口離開，看來已經痊癒。
笑笑口離開
個性豪邁的馬天如，給老友一個極man的拜拜手勢才離開。
徐子珊演技差戲份被剪 由主角慘淪爲陪襯
去年徐子珊在歌、影、視三方面均大豐收，她坦言希望今年更上層樓，卻遭滑鐵盧。近日她除和有婦之夫馬德鍾傳绯聞外，又遇上唱片公司重組，出碟遙遙無期。
更慘的是，身爲TVB親生女的徐子珊本在劇集《洪武三十二》中做主角，一人分飾兩角，有極大發揮。可惜因她表現差強人意，爲免拖垮制作，監制即安排徐子珊在劇集中段死去，將戲份分給新人馬賽和陳倩揚，徐子珊戲份驟降，淪爲陪襯，十分可憐！
留言列表
