之前喺《勁歌金曲》唱歌走音嘅傅穎（ Theresa），閉關練歌後噚日喺鑽石山宣傳寫真集同埋新碟，聽吓佢有乜大改進。 Theresa喺現場唱同一首歌唱咗兩次，其中一次疑似咪嘴，不過之後佢又堅稱兩次都係唱現場。

放大圖片

傅穎任由女舞蹈員喺身上摸嚟摸去，相當誘人。

放大圖片

既然喺書展唔可以搞簽名會， Theresa惟有喺新歌發佈會上為 fans簽名。

否認指周秀娜篤數

Theresa跳舞時就任由女 dancers喺佢身上亂摸，勁舞擺動下佢上下都露，不過 Theresa話一早打好晒底，唔擔心走光。講到 Theresa畀啲 Dancer任摸，仲好似揸落佢個胸度， Theresa話：「出場前，我叫佢哋盡情摸，唔使怕，喺台上跳唔緊要，最重要有感覺同效果。我着咗 3條打底褲，就算走光都係見得人嘅打底褲。」另外，有報道言之鑿鑿話 Theresa唔信周秀娜喺書展賣過萬本寫真， Theresa又點回應？佢話：「其實我唔係針對任何人，只係書展工作人員話我知今年人流較少，我同周秀娜都係朋友，我都有 SMS畀佢，佢都明白，我絕對冇話人篤數嘅意思。」


Theresa噚日突然以谷胸露底裝現身又唱又跳，驟眼睇十足 G奶蔡依林上身。

出位招數多

傅穎在今年寫真戰為谷人氣搏到盡，除性感迎戰外，大膽言論和緋聞均十分出位。

傅穎谷行胸上陣，自豪地與粉絲合照。

性感寫真

傅穎今年為寫真戰搏到盡，為跟一眾對撼，在寫真《About Me》中除谷行事業線又半裸上陣，挑戰個人性感底線。

惹緋聞

出道多年的傅穎鮮有緋聞，推出寫真前她與同公司的羅仲謙傳出緋聞，本月又被拍到二人一起出海。

言論出位

傅穎除與「死敵」鄧麗欣隔空開火成為熱話外，近日質疑o靚模寫真銷量的言論，稱「冇可能講到咁勁」再次掀起話題。

傅穎截擊娜姐任人撫摸

同屬「宅男女神」的傅穎和周秀娜（Chrissie），近日因寫真集篤數鬧是非，兩人雖否認不和，但昨日隔「胸」出招！傅穎撫胸載歌載舞，Chrissie則胸降鬧市迎戰，各有各「胸」狠！



放大圖片

書展明日閉幕，有份出書及寫真集的女星盡最後努力搏命出招吸客！傅穎連日來到書展「出巡」，為寫真集造勢，周秀娜則在書展以外的地方以流動車搞簽名會，鬥晒人氣。對於傅穎質疑有人將寫真銷量誇大，Chrissie只說：「我諗佢冇呢個意思。」雖然兩人否認不和，但湊巧昨日同日再出招，「胸」誘宅男。

傅穎換上另一套衫，與Fans近距離接觸。

對於被摸，傅穎不表尷尬：「綵排時Dancer唔夠膽摸落嚟，我叫佢哋揸落嚟添！（自摸？）我有摸胸同下身，不過冇摸大髀內側，嫌做得唔夠多。」她表示年多沒有在香港舞台獻唱，更揚言歌衫會一套比一套激，其後換了另一套跌膊衫為逾百名粉絲簽名，場面熱鬧！

周秀娜否認因日前着錯衫而轉換性感戰衣，只表示不應穿黑衣吸熱。

至於Chrissie前日因着錯衫失威，昨日即換回低胸裝率領師妹連走兩場，於銅鑼灣及灣仔鬧市為粉絲簽名，還自封「周圍簽」。問到傅穎質疑銷量一事，Chrissie說：「我同佢冇誤會，我哋拍緊一部打排球嘅戲。（佢好波？）球技唔知，我哋講好遲啲交換寫真。」對於死敵Angelababy無視她為對手，她說：「冇諗過同任何人比較！（Baby暗示自己唔似你辛苦宣傳？）唔覺辛苦，公司租車搞簽名會，方便Fans又唔會造成混亂。」另外，周秀娜與新八模決定明日書展閉幕日結束前兩小時殺入書展，經理人指她們會帶同飲料和食物，到攤位答謝工作人員，但不會為Fans簽名，也不是在此謝票。

專案組

雖然在合家歡商場獻唱，但傅穎舞步大膽，不乏辣身舞及自摸動作。