大家經常飲的活性乳酸菌飲品，究竟係點樣製造？由細飲到大的超級Fans姚嘉妮（嘉嘉），今日首次踏足工場，見證「一百億」的誕生過程，仲即時飲到最新鮮出品。嘉嘉話：「對腸道咁有益，我平時都有畀囡囡Kyra飲o架。」媽咪愛飲，連帶一歲多的小妹妹也成為Fans，齊齊分享健康滋味。
第一次參觀飲品工場，嘉嘉到了實驗室、生產線等參觀，並聽專人講解製作。眼見一支支活性乳酸菌飲品，由入樽、包裝到冷藏，過程全自動化，嘉嘉睇得開心投入，更憶起小時候趣事：「呢種活性乳酸菌飲品，細細個媽咪就畀我飲，因為佢覺得有益，次次一排飲晒好滿足！我仲會將飲品放喺冰格急凍，用來整冰冰，再用匙羹舀起慢慢食，味道幾好o架。」 即使長大後，以及懷孕期間，嘉嘉依然愛飲活性乳酸菌飲品：「佗住BB嗰陣，淨係頭幾個禮拜會嘔，之後都唔算辛苦，飲食方面就同未有BB時差唔多，只係無食生冷食物，加上每星期飲幾支活性乳酸菌飲品，令到腸道健康，無一般孕婦遇到的便秘問題。」嘉嘉補充說，產後坐月時，因有契媽及媽咪悉心照顧，經常有靚湯飲，身體得以快速復原。 小Kyra轉眼已一歲多，嘉嘉笑言時間過得好快：「我鍾意親手湊囡，見住佢日日都唔同，好開心，好想見證佢每個時刻。」想仔女健康成長，是每個家長的心願，嘉嘉也不例外：「我好注重囡囡健康，蔬菜、肉類、五穀類等唔會缺少，做到營養均衡，另外，太油膩、太鹹的食物都唔食，始終囡囡太細，要小心選擇。」 活性乳酸菌能促進腸臟蠕動，令排泄得以改善，同時可防止害菌在腸內繁殖，抑制有害物質成長，對腸道健康很有幫助。 所以除了平時注重飲食均衡外，嘉嘉亦會畀囡囡飲活性乳酸菌飲品：「囡囡十個月大嗰陣，試過有次肚瀉，我就即刻帶佢睇醫生，好彩唔算好大件事。醫生教我畀囡囡食益生菌，例如含有活性乳酸菌的飲品，結果飲用後，肚瀉問題得到明顯改善，之後我就開始定時畀佢飲，有時會加水開稀，或者就咁飲，佢每次飲都好開心。」鍾意飲的，原來仲有老公林祖輝，一家三口口味一致，嘉嘉補充說：「屋企經常都有存貨，因為會有好多小朋友來玩，我仲會炮製冰冰畀大家食，天時暑熱就最啱啦！」
嘉嘉首次踏足工場，能見證一支支活性乳酸菌飲品誕生，開心又興奮。
每星期飲用 健康滿足
嘉嘉懷孕期間，每星期飲幾支活性乳酸菌飲品，增強腸道健康，預防便秘。
嘉嘉一家三口也是活性乳酸菌飲品的Fans。
這個櫃集齊世界各地益力多，絕對是益力多大全。
營養均衡 身體自然好
囡囡常飲 改善腸道問題
留言列表
