油麻地給人的感覺總是帶點「地踎」，充滿庶民風情，一般人平日甚少往這區鑽。最近有團體舉辦文化導賞團，仲係由資深攝影師吳文正帶隊，漫遊這個上世紀的購物心臟地帶，追尋昔日的繁華蹤跡。我哋出發啦！
馮滿記 主打裙褂變藥油
賣裙褂的「馮滿記」有八十多年歷史，同樣八十多歲，在馮滿記打了六十多年工的總經理林伯說：「以前啲人嫁娶好講究，新娘都要有套裙褂做嫁妝；長輩擺大壽，家族中的女性亦會着褂，總之以前嘅女人點都要有套裙褂喺衣櫃。」時代改變，依家結婚都未必會着褂，就算會都只租不買，專造裙褂的店舖買少見少，雖然馮滿記可以堅持下來，但已不再以賣裙褂做主打了。
創業於新加坡的馮滿記，最初賣藥油起家，來港後才開展裙褂刺繡生意。「依家咪返番轉頭，靠賣藥油維皮。」林伯說。走進店舖，最矚目的除咗飾櫃裏面那套傳統款式裙褂，就係放滿一櫃五花八門的藥油，「我哋新加坡有公司，自己代理，百年字號，純正啲囉。」林伯說，依家嚟買的人大多數都係買返內地。
永康藥行 古董百子櫃坐鎮
有中醫駐診的藥材舖「永康」屹立上海街近七十年，依家由第三代傳人劉先生經營。他接手後，舖頭保留老舊陳設原汁原味，例如百子櫃、鍘刀、大鐘、電話等，全部入得博物館有餘，「好似呢個實木百子櫃由開舖用到依家，原本中醫藥行內規定要在櫃桶外貼上藥名，但因為係古董，驚會破壞木的表面，故得到豁免。」
舊式店舖最難得嗰份人情味，劉先生話，「街坊有病會嚟把脈執藥，冇病一樣喜歡嚟吹水。」
佢哋未離開過
和盛金行
昔日上海街嘅金行多達三、四十間，因為水上人辦喜事都會送金器，亦鍾意買金保值。現在上海街則剩下兩、三間金行，創業於光緒年間的「和盛」係其中歷史最悠久的。依家仲用緊五十年代設計的彩色售貨單，老店風情有錢都買唔到！
鏡明
舊時逢開張入伙、婚禮致賀，人們都喜歡送鏡作為賀禮。水上人仲流行一種對聯鏡飾，造就上海街造相框鏡架的店舖亦好興旺。「鏡明」有八十多年歷史，經營咗三代，呢個做鏡家庭仲不時喺店內飯聚，四代同堂，可惜因行業式微，加上年輕人不願入行，祖業傳到呢代可能已走到盡頭。
參加上海街導賞團
致力推廣本土文化的「文化葫蘆」不時舉辦上海街導賞團，多數跟不同團體或機構協辦，個別人士想參加要留意文化葫蘆網頁。
網址：http://www.huluhk.org
執荀貨
除咗上海街，隔籬嘅新填地街都值得一逛，由南京街至甘肅街一段係露天市集，賣的貨品仲係充滿個性；眾坊街至窩打老道一段則聚滿山貨店，一樣有筍貨執。
平掃日本果凍
果欄當然係做批發啦，不過亦有店舖做埋零售。「四記」專入日本水果，仲順便入埋果凍，真正日本直送o架。用咗沖繩深層海洋水製造，果肉含量80％，多得離譜，味道清甜，有雜果和白提子兩款。
獨門配方咖喱醬
1970年代係油麻地區香料店的全盛時期，開設了二十多間，主要做大排檔和街邊熟食小販生意，後來小販和大排檔冇晒，香料店亦隨之驟減，今天只剩下兩、三間，廣發號係其中之一。
廣發號
地址：新填地街36號
電話：2771 8079
營業時間：星期一至日6am-6pm（星期日至2pm）
古老時興山貨
新填地街雖以五金店著名，但亦有不少山貨店。山貨店係因應以前農業社會，專門賣竹、藤、草、木等家品的舖頭。今天呢類充滿原野氣息的家品已不多見，不過亦有復古家品店古老當時興，出品好多同類家品，但定價當然比山貨店貴好幾倍，精明的你知點揀啦！
永發山貨
地址：新填地街164號
電話：2384 7310
營業時間：星期一至六10am-7pm
番薯專門店
新填地市集有幾檔專賣嫁娶禮品的攤檔，由幾姊妹分別經營，其中「譚財記美玉」的檔仲兼賣番薯，包羅多個品種，橙肉、紫皮紅肉、黃玉雞骨香、紫皮檳榔……五顏六色，各具不同口感風味。
譚財記美玉
地址：新填地街94號對開鐵皮檔
電話：2780 1730/9624 9275
營業時間：星期一至日7am-7pm
林伯話，呢套手工刺繡松鶴裙褂係老人家擺大壽時穿的。用金、銀線繡成，圖案清麗細緻。（$1,500）
鐵製裙褂盒幾近絕種了。
呢幾款馮滿記自家代理的藥油係暢銷之選。冬青油紓緩肌肉扭傷和痠痛；豆蔻油性質溫和，啱小朋友肚痛搽；白樹油驅風功效強，可紓緩風濕痛症，刀傷止血亦啱。但皮膚敏感的人用前亦應問吓醫生意見。
呢幀係掛在馮滿記的經典上海街老照片，約1950年拍攝。
開業：1930年代
地址：油麻地上海街203號
電話：2384 9553
營業時間：星期一至日10am-7pm
駐診永康的中醫涂醫師，他師傅以前亦係駐診永康，薪火相傳，一直為街坊服務。
古董百子櫃係用實木入榫造的，好穩陣o架。
開業：1946年
地址：油麻地上海街212號
電話：2384 1888
營業時間：星期一至六9:30am-7:30pm（3pm開始診症）
五十年代的「古董」售貨單（右），跟今天的售貨單（左），同樣有懷舊色彩。
開業：1892年
地址：油麻地上海街201號
電話：2384 1734/2384 5662
營業時間：星期一至日10am-6pm（星期日至5pm）
店內有張四代同堂全家福係攝影師吳文正幫佢哋拍o架。
開業：1927年
地址：油麻地上海街111號
電話：2384 4392
營業時間：星期一至日9am-7pm
四記欄
地址：新填地街地段6號
電話：2384 8295/2770 7312
營業時間：星期一至日8:30am-5pm
一般日式超市閒閒哋賣十多元一杯，依家一箱買，每箱6杯，每杯唔使$7。（$40/6杯，每杯180g）
四記仲有鮮果零售，價錢比超市平一截。（美國藍莓$50/4盒，每盒125g）
店內五顏六色的香料粉鬼咁大包，食肆嚟入貨多；家庭客買樽獨門配方油咖喱醬就足夠。一匙羹分量，加入椰漿，就可煮一煲咖喱。（$20）
滷水料包加水煲開，再加入豉油和冰糖，就成一煲滷水，比現成滷水汁滋味得多。（$8）
以前嘅人會拎住藤手抽去買餸、送外賣；依家則可變身潮挽藤籃，或者雜誌籃。記者喺G.O.D見過九成九相似的產品，多重裡布，但價錢貴4倍有多。（$58/13吋，有不同大小，最大20吋，售$155）
山貨店的懷舊竹籃，在G.O.D亦見過同類貨品。（$10-$11）
橙肉番薯比較腍，甜味濃；黃玉雞骨香番薯甜得嚟帶粉；紫皮紅肉和檳榔番薯口感比較滑。（$6/斤）
左至右
紫皮番薯、黃玉雞骨香番薯、檳榔紅肉、橙肉番薯
留言列表
