明星靚相大分享☆

由名廚Ricky Cheung主理的歐陸菜餐廳Le Mieux Bistro一向有口碑，惟獨位於柴灣太隔涉。所以他最近已遷至灣仔，方便就腳，但環境比以前逼狹，最多可容納40人。菜牌仍保留私房菜形式，午市及晚市只供應套餐。四道菜午餐有兩款，分別$140/位及$280/位，六道菜晚餐$680/位，除了吃到Ricky拿手的蝦汁意粉、烤焗鵪鶉之外，部分菜式更用上當造食材，如雲南雞油菌、日本白蝦、加拿大海膽等……
食物水準一如以往精彩，賣相精緻，食材新鮮，火候掌握恰當，從不叫人失望。
開業一個月以來，除了舊客捧場，亦吸引了不少人慕名而來，有心吃Ricky的手勢，最好在一星期前預訂。

Le Mieux Bistro
地址︰香港灣仔道77-83號1樓
電話︰2558 2877
營業時間︰12nn-3pm、6:30pm-12mn（星期日午市休息）

店內的大酒櫃非常搶眼，有過百款法國、意大利、西班牙的佳釀，酒店級數的餐酒，但價錢便宜一半有多！

Ricky日夜都坐鎮在店中親自下廚。

煎魚柳配海鮮番茄汁（主菜）
魚柳外皮香脆，肉質嫩滑，配酸香的海鮮番茄汁更突出鮮味。

黑菌汁長通粉伴溫泉蛋及脆芝士片（主菜）
長通粉吸收了黑菌汁的香氣，集香滑、煙韌於一身，天下美味。

西班牙火腿．雞油菌多士（頭盤）
雲南野生雞油菌以牛油、乾葱、白酒、忌廉炒過，菌味濃，伴烘香的多士吃，美味。