明星靚相大分享☆

最近新舊八模A. Lin、Mia與周秀娜師弟Bro5齊齊跟彭秀慧學戲，由於穿上鬆身低胸背心的A. Lin過分投入，幾乎走光都懵然不知，而只上過幾次堂的Mia則對演戲大叫過癮！

穿鬆身衫的A. Lin表現投入，幾乎走光。

日前周秀娜師妹A. Lin、Mia同Bro5齊齊跟著名舞台劇演員彭秀慧學戲，導師教他們用身體某部分位置牽着走路及用身體搵其他平衡點支撐，目的讓他們明白如何利用身體表達角色，由於穿鬆身背心的A. Lin十分投入，連酥胸半露都懵然不知。初入戲門的Mia雖只上過幾堂，但她直言非常過癮：「感覺好新鮮！以前做Model淨係會諗點擺靚甫士，嚟上堂就要七情上面，唔使理個樣點，當畀老師讚有進步時成功感好大！」

Mia體會母愛

對於近日港人於菲律賓發生的慘劇，身為潮媽的Mia覺得救小朋友的太太非常勇敢同偉大，她表示：「我都係媽咪，好明白細路生命比自己更緊要，事件令我更加好好愛惜同佢哋一齊生活嘅日子。」

A. Lin則對當地政府表現非常不滿，她說：「唔覺得佢哋有珍惜生命，行動又『Hea』，令人愈睇愈嬲，而且仲未有個好好嘅回覆。我完全無晒去菲律賓興趣，如果要去都要請私人保鏢，覺得當地冇保障！」

Mia（右）和A. Lin交流學戲心得。

新舊八模A. Lin、Mia同周秀娜師弟Bro5齊齊學戲。