呢一刻你做緊乜？冇錯，就係呼吸。
唔好以為呼吸人人都識，物理治療師話大部分人平日都唞錯氣，冇用盡肺部同胸腔肌肉，只係用心口唞氣，結果就好易出現腰背痛、肩頸痛等問題。
原來對身體最好的呼吸方式叫「橫膈膜式呼吸」，佢係最自然、最有效率的呼吸法。如果識得平日多用橫膈膜式呼吸，腰背痛、頸痛都少啲！
中國氣功利用調整呼吸來防病強身，不過要經長時間練習。康正綜合治療中心物理治療師余穎章（左小圖）話，平日用正確的方法呼吸，都可以好似氣功咁改善身體毛病。吓！呼吸都有正唔正確之分？冇錯。「有時我帶人做運動，叫大家唞啖氣深呼吸，見到人人只係個心口郁，個肚唔識郁，咁就錯晒！佢哋用的是『胸式呼吸』，只利用心口同頸部吸氣，冇完全運用肺功能。而且成日用條頸啲力去吸氣，日子耐咗，頸部肌肉會好繃緊，好易出現肩頸痛。加上完全冇運用腹部肌肉，又唔做運動，腰腹肌肉冇力，結果就成日腰背痛。」
而「橫膈膜式呼吸」是對身體最無負擔的呼吸法。「唔好以為個名好奇怪，其實佢係BB仔所用的呼吸方法，完全唔需要太用力，但吸到的氣量就最大。當我們長大後，卻往往因為肌肉的協調性改變，慢慢就改用對身體冇咁好，但感覺上較輕鬆的『胸式呼吸』。有啲人會用到『腹式呼吸』，但依然冇運用晒腹部肌肉，所以冇『橫膈膜式呼吸』咁有用。」
橫膈膜式呼吸圖解
吸氣（圖左）
橫膈膜下降，肺部充滿空氣，令腰、腹隆起。
呼氣（圖右）
橫膈膜上升，肺部空氣擠出，腰腹回復平坦。
橫膈膜式呼吸 4大好處
1. 減輕腰背痛
腰痛的成因通常係腰肌太緊，腹肌太弱。橫膈膜式呼吸同時運用到腹部肌肉和背部肌肉，令腰部前後的一圈肌肉都得到伸展，自然冇咁易痛。
2. 減輕肩頸痛
胸式呼吸只利用胸口以上肌肉，當工作繁忙或緊張時，負荷過重的肩頸肌肉就會過勞。余穎章話有些人遇到這種情況會深呼吸，但反而會令這一組肌肉愈來愈緊張。如果改用橫膈膜式呼吸，不需運用頸部肌肉，就可慢慢改善肩頸痛。
3. 調整血壓及心跳
利用橫膈膜呼吸時，橫膈膜會不斷屈曲、伸直，等同胸腔做運動，無形中令心臟唔需要咁用力泵血，令心跳減緩，血壓亦較平穩。
4. 改善便秘
橫膈膜下面係腸道，當呼吸時，同時按摩腸道，促進腸道功能，便便都易啲！
呼吸法比拼
齊練橫膈膜式呼吸
既然BB仔都識「橫膈膜式呼吸」，大人應該唔難練。但余穎章話，「橫膈膜唔係可以直接控制的肌肉，一定要有東西協助你掌握呢種感覺，熟習咗就平日懂得用橫隔膜式呼吸。例如可調節呼吸阻力的『練氣機』，就可以幫助練習。」
練氣機其實係一部可以調節吸氣阻力的儀器。由於吸氣時有阻力，我哋身體就會自動利用橫膈膜及胸腔肌肉來呼吸，做到橫膈膜式呼吸。
練氣機在外國已經興咗好耐，以前專門俾運動員用，好似左面呢兩部機就係由英國伯明翰大學運動科學系設計的，一般人都可以買來練氣。兩部機作用一樣，粉紅色係特別版所以先貴啲！用法係每日早晚各吸30下，經過2-3星期，就會慢慢掌握到橫膈膜式呼吸的竅門，到時唔用部機都可做到橫膈膜式呼吸。萬一將來不知不覺又轉番胸式呼吸，咪再拎過部機出嚟練囉！
點用？
咩人唔用得
本身有呼吸道問題如哮喘患者，因為用這部機會增加胸腔壓力，可能影響病情，必須先徵詢醫生意見才可用。此外，經常性爆肺人士、患有嚴重心臟問題者，以及長者和孕婦，皆不宜使用。
Shop list：保利安 2810 4868
即上《忽周》網睇物理治療師余穎章示範3式呼吸！
Powerbreathe Iron Girl plus $880 （保利安）
Powerbreathe Classic $598 （保利安）
Step 1
首先調校練氣機度數，0度最易吸，10度最難吸。一般來說，一開始時先試１度，最高調到9度已可。
Step 2
以一個覺得舒服的方式或坐或站立，唞順條氣後，深呼吸幾下，最後完全呼出肺內空氣。
Step 3
將練氣機的透明部分放到嘴邊，牙齒咬着突出的膠位，將整個透明部分緊貼面部，以防漏氣。用口快速地深呼吸，盡量吸入最多空氣。這樣吸氣時腹部會自然脹起。
Step 4
用口緩緩地自然呼氣，直至完全呼出肺部的空氣，此時肚皮會向內縮，你要忍氣停頓3、4秒，直至覺得忍不住時再大口快速吸氣。重複30下。
留言列表
