鄧紫棋（ G.E.M.）出道時有小巨肺之稱，大家一直都將焦點放在她的音樂上，直至她相繼與狄易達、陳柏宇以及林宥嘉傳出緋聞後，大眾將焦點轉移到她的感情生活上，原來過往半年密集式的緋聞，令 G.E.M.吃不消而偷泣狂食，她甚至在討論區留言自辯。
現年 19歲的 G.E.M.於本月底推出新碟《 My Secret》，問她有否憑歌寄意，將自己的感情秘密公開？她突然嘆一口氣說：「唉，絕對唔會有我嘅秘密喺入邊，今次呢隻碟係喺我最辛苦嘅時期創作出嚟嘅。」
迷失方向 放大圖片 
G.E.M.和林宥嘉談得投契竟連動作也一致，難怪會傳緋聞。 《 Face》圖片
原來開朗的 G.E.M.在半年前備受情緒困擾，她說：「其實係之前去台灣做嘢，無啦啦有本雜誌就話我同林宥嘉有嘢，之後我睇到有啲報道話我借佢嚟炒作新聞。同埋我好快就開咗演唱會，做完個騷之後，我覺得自己想做嘅嘢都好似做晒，個人突然冇晒方向，連最鍾意寫歌都提唔起勁。」在最不如意的時候， G.E.M.會偷偷在房間哭，又或是以吃東西來發洩，不過她透露自己在這個階段做了一件很愚蠢的事，她說：「當時唔開心都係咁睇啲討論區，睇吓啲人點話我，如果佢哋講啲嘢唔啱，我仲會留言話番佢哋。」
禁談感情
G.E.M.自言過往的生活十分平靜，沒有遇過挫折及低潮，樂觀的她後來想清楚自己的路向再次投入工作，她說：「原來有呢啲唔開心嘅經歷喺寫歌時係好有用嘅，咁我當然唔希望再有呢啲情況啦，我亦都希望大家唔好將啲歌對號入座，歌詞所講係唔同嘅愛，絕對唔係我嘅經歷。」最後 G.E.M.再次強調以後不會再提感情事，因為她希望大家再次留意她的音樂而不是花邊新聞。採訪：李珮洳攝影：陳志嵐髮型： Nick Lam of Orient4.com.hk化妝： Matt of Annie G. Chan 
小巨肺之稱的 G.E.M.希望歌迷專注她的歌，而不是她的緋聞。
留言列表
