明星靚相大分享☆

崔建邦的舊愛「中巴」鄺敏慧及其俄籍模特兒緋聞女友 Marina V.昨日同場行騷，今天生日的中巴大晒與年長 11年的新男友拍拖生活愉快，不用收收埋埋兼不怕男方郁手郁腳，現在恍如置身天堂般高興。

崔建邦前女友鄺敏慧昨日與其俄籍新緋聞女友 Marina V.齊齊現身尖沙嘴 i-Square，與諸葛梓岐、張舒雅、周永恒太太趙梓淇（阿 Yu）和 Juno女友 Janine等同台行騷，示範以珍寶珠糖果為主題的時裝。

放大圖片

崔建邦曾因涉毆打中巴犯官非。資料圖片

放大圖片

適值熱戀的中巴，毫不避嫌地與新男友在鬧市拖手行街。資料圖片

「唔記得舊嗰個」

記者騷後邀請中巴及 Marina合照，中巴才知 Marina是崔建邦的新女友，她說：「唔知，好 surprise，同佢冇聯絡。」問到她會否感到甩難，她笑說：「太好，自己有新男友，唔記得舊嗰個，呢個好好，我自己行騷都識得笑。」中巴透露今天是她 21歲生日，將會與拍拖兩個月、比她年長 11年的圈外男友二人世界慶祝，記者問到男方是否溫柔，不會對她郁手郁腳，她說：「冇錯，唔會郁手郁腳，前日已預祝我生日，送咗 99支玫瑰，又巴士蛋糕，同上年好大對比，好似上咗天堂。」

放大圖片

趙梓淇大騷她三個月大的 B女圖片。

放大圖片

「各方面都好好」 放大圖片

Marina谷胸搶鏡，吸引台下龍友獵艷。

中巴續說：「佢各方面都好好，唔會郁手郁腳，又肯公開，唔使收收埋埋，男友都支持我做呢行。」至於 Marina則風騷地谷胸，大擺性感甫士搶鏡。採訪、攝影： Jessica Ngan


中巴鄺敏慧（右）與崔建邦現任緋聞女友 Marina昨日同台行騷。