要數讓人消費意欲最強的城市，我首選東京，今次來到台場 Venus Fort地下層，原來是個狗仔可以任逛任食的商場，見到主人與狗同枱擦燒肉布丁，齊齊 Shopping買新衫，溫馨場面處處見，令我高呼：「做狗好正！」記者、攝影︰徐影珊鳴謝︰ Pettour HK
其他副刊影片 燒肉套餐狗仔專食
在香港想帶狗行商場，簡直是妄想，但在日本這個愛狗城市，好像東京台場的 Venus Fort，就有整整一層可容許主人拖狗仔踩入商場。記起朋友提過台場有間主人與狗仔可齊齊食燒肉的店舖，一於去幫襯，店舖門外果然貼有歡迎狗仔的標貼，點菜時發現有狗仔食的燒肉餐及布丁甜品，嘩！想不到牠們可跟主人圍埋齊齊分享燒肉。我點了份燒牛肉及韓式石頭鍋飯，可能是吃了燒肉關係，覺得溫暖，原來東京的冬天不太冷。
放大圖片 
■我點了最上等的牛扒，單點價錢由$160起一份；另設放題， 90分鐘任食$398/位。
放大圖片 
■不能相信吧？這份是狗仔專吃的燒肉餐，這個套餐也不便宜。約$126
放大圖片 
■這個布丁甜品賣相吸引，用可愛狗兜盛載着，上枱時我以為是小朋友吃的！約$36.8
放大圖片 
放大圖片 
ぅしすけ台場店地址︰東京都港區台場 1-6-1
拖狗直踩入舖
我在商場環顧一圈，發現有不少賣貓狗用品的店舖，全部歡迎狗狗進入。我與友人見到狗仔衫就忍不住買買買，當中最搞鬼的，是可以幫狗仔扮成聖誕樹，好 Kawaii呢！
放大圖片 
■想識日本妹，拖住狗仔逛商場包成功！
放大圖片 
■一於趁聖誕節幫狗仔變成棵聖誕樹！約$280
放大圖片 
■這背包是要狗仔背着紙巾出街，方便主人清潔便便。約$210
放大圖片 
■《海賊王》在日本仍非常熱賣，貓床也有其骷髏 Logo。約$198
放大圖片 
■台場如今已充滿聖誕氣氛。
放大圖片 
■台場是東京都內一個很集中的商場區域，大家行過 Venus Fort也知道，但原來地下層歡迎帶狗同行！
台場 Venus Fort地址︰東京都江東區青海 1丁目 Palette Town營業時間︰商場 11am-9pm/餐廳 11am-11pm網址︰http://www.venusfort.co.jp
Dog Dept Cafe狗食分大細
我偶然會取笑穿情侶裝的朋友，使唔使咁 Sweet呀？然而我每次去東京及近郊地區，逛過 Dog Dept後，也開始對套裝着迷，不過這種套裝不是情侶套裝，而是主人與狗齊齊穿的套裝。 Dog Dept是日本品牌，店舖已遍佈東京首都圈、輕井沢、大阪、青森及冲繩，旗艦店名叫 Dog Garden Resort，更設有狗仔 Cafe，方便主人帶狗齊 Shopping及玩足半朝。今次我尋訪東京近郊湘南的鵠沼店，當季新款衫齊備。我最欣賞今季的冷衫及冷帽，因為有好多款式與狗仔衫配成一套！這裏有特別的狗仔雨衣，尺碼好齊，大至金毛拉布拉多犬，小至貴婦狗仔都有！買完衫可在旁邊的 Cafe吃午餐，這裏設有狗 Menu，大家可同枱食飯，感覺相當溫馨。
放大圖片 
■店旁的 Cafe正好醫肚，中午時分有四、五款套餐選擇。
放大圖片 
我想兜飯大啲就好！
放大圖片 
■狗仔也有 Menu，一般分大、細份量，每盤由$30起，肉類以馬肉為主。
放大圖片 
放大圖片 
我件雨衣好靚呢，剛剛新買的！
放大圖片 
■因外邊突然落大雨，主人就幫我添置了這件新雨衣。約$714
放大圖片 
■這個系列亦是本季最新，名叫 Love my dog series，印有 14款不同狗品種名字供選擇。
放大圖片 
■可伸縮至 3米長的狗繩，顏色鮮艷，選擇更比香港多且靚。約$399
放大圖片 
■日本的狗仔也很講 Fashion，看這夾棉衫就明白。約$820
放大圖片 
■這是今個冬季最新的冷衫及冷帽，單看顏色配搭已經很喜歡，最正的是可跟愛犬配成一套。冷衫約$1,344、冷帽約$367、狗衫約$714
放大圖片 
放大圖片 
放大圖片 
Dog Garden Resort鵠沼店地址︰神奈川縣藤沢市鵠沼海岸 1-6-14電話︰（ 81） 466-313966網址︰http://www.dogdept.com
Travel Memo
持有 BNO或特區護照均可豁免日本簽證，逗留期最長 3個月。從香港飛東京可選乘達美航空，來回機票最低價為$2,340起（未連稅），查詢︰http://zt.delta.com/
100V/50Hz兩扁腳插座100日圓約兌 10.5港幣（文中價錢已折算為港幣）下周天晴 日間氣溫約 8-10℃
放大圖片 
放大圖片 
■帶埋狗仔圍埋開餐，這件事總帶點浮誇！
留言列表
