率先試 AGS 勁 Game　嘟女有獎攞 @ 明星靚相大分享☆

率先試 AGS勁 Game　嘟女有獎攞

12月 23日開鑼嘅 AGS（亞洲遊戲展），絕對係一眾 Game迷必 Join盛事，大哥 SCEH當然派出最強陣容應戰，事先張揚嘅 PS Vita自然係攻堅，再加埋 PS3巨作《 FF XIII-2》，同首創「賞嘟」送大禮，「三叉擊」攻勢，軟硬都咁有睇頭！記者、攝影：韓繼聰

其他副刊影片搓圓㩒扁《塊魂》　 PSV攻勢

AGS未開鑼， SCEH已搞咗個發佈會先聲奪人。雖然 PSV已多次曝光，但依舊係發佈會焦點所在，試玩人數眾多，不過奇怪嘅係女仔竟然多過男仔，靚女 Models爭住輪玩 PSV。細探究竟，原來今次試玩的是歷代都極受女性歡迎嘅《塊魂》，見靚女利用兩支 Analog掣，不停喪吸周圍雜物，將個波波不停谷大，仲可以用埋機背嘅 Touch Pad，將波波搓圓㩒扁，又真係幾卡娃兒喎！加埋系列抵死「兄貴」角色，難怪班女仔玩到笑口噬噬。靚女 Lulu一邊雞手鴨腳一邊話：「一向都鍾意玩呢隻 Game，不過今次要掃埋機背嚟玩，真係要多啲時間熟習。」

放大圖片
■靚女 Lulu玩《塊魂》玩到手忙腳亂，顧得上又顧唔到下。

■靚女 Lulu玩《塊魂》玩到手忙腳亂，顧得上又顧唔到下。

放大圖片
■《塊魂》嚟到 PS Vita，加埋掃背機能，玩法更具變化。

■《塊魂》嚟到 PS Vita，加埋掃背機能，玩法更具變化。

放大圖片
■玩家陳生，大讚 PS Vita好抵玩，早已鎖定佢為 AGS首買目標！

■玩家陳生，大讚 PS Vita好抵玩，早已鎖定佢為 AGS首買目標！

放大圖片
■用手指同 MJ跳月球漫步，好過癮。

■用手指同 MJ跳月球漫步，好過癮。

放大圖片
■頭 30位 PSV買家，可獲贈小遊戲《 Little Deviants》。

■頭 30位 PSV買家，可獲贈小遊戲《 Little Deviants》。

放大圖片
■一系列 PSV護航勁 Game，聖誕新年唔憂無機打。

■一系列 PSV護航勁 Game，聖誕新年唔憂無機打。

必搶《 FF》同梱機　 PS3重頭放大圖片
■辣椒召喚獸使出華麗連打必殺技，一招打殘機械兵。

■辣椒召喚獸使出華麗連打必殺技，一招打殘機械兵。

另一邊廂，一班熱血男孩就圍住《 FF XIII-2》狂玩，畫面靚就梗㗎喇，戰鬥動作亦極為流暢，一貫 FF系列嘅華麗帥氣。見主角聯同召喚獸及陸行鳥，大戰機械兵團，唔玩齋睇都夠興奮。再落手試玩，同巨型機械兵惡戰，更感受到場面嘅震撼！畫面、故事、戰鬥系統都可謂完美，難怪歷代《 FF》都係 Game迷必玩之作。 AGS期間，推出 50套行版《 FF XIII-2》 PS3主機套裝，每日頭 10位買家更附送埋主角 Figure， Game迷當日就要霸定頭位喇。

放大圖片
■《 FF XIII-2》靚爆主機，行版送埋 Figure，更吸引。

■《 FF XIII-2》靚爆主機，行版送埋 Figure，更吸引。

放大圖片
■仲有幾日就出 Game，但依舊大把人爭住試。

■仲有幾日就出 Game，但依舊大把人爭住試。

放大圖片
■《街霸×鐵拳》集合兩大格鬥名作，打得好熱血。

■《街霸×鐵拳》集合兩大格鬥名作，打得好熱血。

放大圖片
■《 Starhawk》玩太空搶旗野戰，幾新鮮。

■《 Starhawk》玩太空搶旗野戰，幾新鮮。

單撈 App嘟女放大圖片
■機迷喺 AGS，見到靚女臂上有「嘟嘟碼」就記得要埋去嘟佢喇！

■機迷喺 AGS，見到靚女臂上有「嘟嘟碼」就記得要埋去嘟佢喇！

今年 AGS有個「 PS Vita賞嘟」手機互動遊戲，只須下載《 PS Vita賞嘟》 iOS或 Android App，見到 PS展館 Show Girl，就可埋去嘟佢，嘟一次就有細獎紀念品，嘟兩次就有多樂貓精品，每日更設金盃獎，有幸嘟中，就送你 8GB USB大獎！不過 App要 23號先可單撈。

放大圖片
■嘟完靚女，你就有機會攞到月曆、多樂貓精品、 8GB USB等。