四速升五速 新椒爆辣
唔知由幾時起，棍波車漸漸成為小眾玩意，少人揸，連帶推出嘅車款都買少見少，難怪考完牌無耐嘅新牌仔，想搵架新款啲嘅棍波車操操身手都唔係易事。好彩 Suzuki都無放棄到呢班棍波捧場客，堅持引入棍波版 Swift，由四速變五速，以十六萬多嘅車價同低耗油表現，絕對啱晒新牌仔。記者：趙慧敏攝影：譚盈傑Model： Jancy Wong
配備減少 車價回落 放大圖片 
■菱形頭燈令眼神更加銳利。
自從流行玩加減波後，以前被視為入門車的車款都放棄棍波車市場，搞到香港新款棍波車買少見少。不過 Suzuki Swift依然提供棍波版，不是因代理對棍波車情有獨鍾，原因是新款 2011年版 Swift初抵港後，竟然有不少人查詢棍波版幾時有貨，既然有咁多 Fans，代理當然要急急補倉。不過老實講，同自動波版比較，配套相若，例如有齊 16吋合金輪圈、同級少見的免匙啟動系統及軚盤音響操控按鍵；不過天窗、車頭霧燈、前側 SRS安全氣囊就被剔走，但換來三幅式軚環，最重要當然是由四速自動波升呢至五速手波。你以為計落條數唔多抵，但睇番自動波價錢是$186,800，同手波版車價$166,800相比，足足有兩萬元差價，配備雖然少咗，但價錢同玩味絕對可以彌補到缺失。
放大圖片 
■配備 16吋輪圈，要提升攻彎能力可換車胎。
放大圖片 
■三角尾燈由車尾伸至車身，感覺更一體化。
放大圖片 
■車身短小精悍，加上流行的揭背車，女士至愛。
放大圖片 
踢走天窗 尾廂闊大
Swift素有「辣椒仔」稱號，聽個名就知它絕對不是一般車仔溫馴，車身短小，只有 3,850× 1,695× 1,510mm，加上重心低及底盤偏重，攻彎依然穩如泰山，毫不扭擰，尤其轉檔反應，波棍台行程密，轉檔速度爽快利落，無論加速及拖波反應都得心應手，它一定能給你揸棍波車的滿足感。不要看小它外形似足王祖藍般的骰，實用性超強，鑽進車廂，前後鋪排恰到好處，不會因預留駕駛席位置而難為後排乘客，軸距足足有 2,430mm，不過要後排坐足三個大男人，真是有點為難。行李箱空間更因踢走天窗而提升至 900公升！至於車主大敵油價上升，對它的影響亦相對較微，根據廠方數字，綜合油耗行足 100km只需 6.2L，以現時$15.97油價計算，每公里不用$1，是否化算大家心中有數。
放大圖片 
■嵌入式中控台鋪排簡潔但一應俱全。
放大圖片 
■三幅式軚盤配埋音響操控按鍵。
放大圖片 
■絲絨座椅剪裁合適。
放大圖片 
■雖屬五座設計，但後排還是坐兩個較為適合。
放大圖片 
■五速手波轉檔動作更爽快。
放大圖片 
■兩大兩細圓形儀錶板設計簡約之餘，亦帶有金屬味。
Suzuki Swift手波版 放大圖片 
引擎： 1,372cc直四馬力： 95ps/6,000rpm扭力： 130Nm/4,000rpm傳動： 5速手波售價：$166,800查詢： 2332 0091（香島汽車） 
留言列表
