關心妍 Fans 變助手　易服男纏足關心妍 10年 face週刊 191期－明星靚相大分享☆

關心妍出道至今 10年，由 fans變私人助手嘅阿小都一樣默默支持 Jade，不怕被揭男兒身，阿小亦照常陪住關心妍出席大小活動。

09年嫁個有錢人兼轉投新唱片公司星煥國際，關心妍（ Jade）可謂雙喜臨門，加上四個樂壇頒獎禮個個都有獎攞，事業愛情兩得意。
公司雖然有派助手跟關心妍，但原來佢早兩年情願自掏腰包，請多個由出道開始跟佢嘅 fans做埋私人助手。據知一頭長髮、外表圓潤看似女兒身嘅助手阿小，其實係易服男，但跟足關心妍 10年兼超細心，更與關心妍情同「姊妹」。古時公主出巡都女扮男裝啦，易服好小事啫！

放大圖片

09年嫁畀三億身家嘅金融才俊楊長智，老婆請到個有女仔咁細心嘅男助手，應該好放心。《蘋果日報》圖片

近年關心妍出席大小活動，都有一名叫阿小、但身形唔細嘅「女士」做其私人助手跟頭跟尾。自從嫁畀金融才俊楊長智做少奶奶後，關心妍升呢行名店，請私人助手濕濕碎。做得貼身私人跟班首要係幫得手、信得過，樣貌性別係其次。

有米易服男

據知早兩年 Jade新請嘅私人助手阿小，原來自 01年關心妍出道已開始追隨至今，跟足佢 10年，喜歡易服嘅阿小留得一把齊蔭長髮，聲音完全唔似男仔嘅佢深得關心妍歡心。知情者話：「 Jade出道時，阿小已經係佢 fans club會員，佢仲話覺得 Jade好有才華，人靚又勤力，所以咁多年都不離不棄，由阿小最初仲係男仔 look到家， Jade都對佢好好，加埋經過咁多年， Jade同歌迷聚會，阿小都會幫手搞，佢哋私底下都會約出嚟食飯，感情好好！性別已經放埋一邊，況且阿小仲係有錢仔出身，埋身都唔怕佢為搵着數。」

放大圖片

前週五（ 7日）的「十大中文金曲頒獎禮」因天氣勁凍，當關心妍做訪問時，阿小攬住 Jade嘅衣物，仲陪住 Jade出入，幾乎 4個鐘冇坐過。

放大圖片

似足女人
一直有傳阿小係男兒身，佢平時留齊蔭長直髮，身材圓潤，好難發現有喉核，加上佢聲線陰柔，愛着及膝闊身衫同 leggings，同一般女助手 casual打扮無二，似足女人。本刊週一致電問佢性別，阿小話：「估唔到你哋會問我嘢。」

低調做助手

由於低調嘅阿小對住關心妍一條心，由 08年起更開始間中做助手，直至上年關心妍轉公司，阿小就全職做 Jade背後嘅男人，其身邊人透露：「一直以來阿小都好抵得諗，平時又唔多出聲，人工又唔要求高，公司上下都知佢係易服男啦！」
本刊就易服男一事問 Jade，佢竟講咗個友善大話，話阿小唔係私人助手：「佢係公司請 o架！佢嘅事應該佢自己答，我唔方便講，唔想有性別歧視。」其公司星煥國際 CEO Herman（何哲圖）就踢爆：「佢唔係我哋公司職員，我哋唔會介意佢係咩性別，最重要係佢幫到 Jade，同埋 Jade覺得 ok。」
週一（ 17日）本刊致電阿小，問及有關傳聞易服一事，佢話：「我唔回應亦唔方便答你呢個問題，我 01年已經識 Jade，家只係幫佢手，我又唔係娛樂圈嘅人，估唔到你哋會問我嘢。」

放大圖片

07年︰攬住玩
Jade同阿小相識多年， 07年 Jade陪歌迷去環球嘉年華玩，阿小都陪伴左右，合照時 Jade仲挨個頭過去，二人老友鬼鬼。《蘋果日報》圖片

放大圖片

今屆「新城勁爆頒獎禮」，關心妍連攞兩獎，一樣伴在身旁嘅阿小不禁喺車內偷望出嚟，戥阿 Jade開心。

專惹離奇是非

放大圖片

出道 10年，關心妍同異性鮮有傳出緋聞，不過就成日是非纏身，一出道冇耐，整容潮未 hit，就被踢爆五官標致咗，搞到佢焗住認挑雙眼皮，之後又傳佢年齡報細數，但翻查佢出世紙，又的確係 79年出生。 04年仲運滯，有網友喺高登唱衰佢「累家姐被炒」，形象大打折扣。最近仲有傳佢阿哥有份參與上年 11月北角渣華道街頭毆鬥，一連串離奇事件，連 Jade自己都覺得好好笑囉！