明星靚相大分享☆

傅穎入行以嚟是非多多，最近佢又話同緋聞男友羅仲謙鬧不和，擺到明大家冇 friend做，點知唔夠一個月又有新發展。其實呢單嘢十分可疑，由 day one佢兩個俾人影到約會，已經似係預早安排。

放大圖片

放大圖片

傅穎出示佢屋企玻璃窗碎裂（左圖）同警察上門調查嘅相。

「不嬲都講真話」

咁啱傅穎出碟，謙仔有戲上，佢哋就忽然自爆關係決裂，到噚日兩位主角分別出嚟做訪問，又會忽然有周刊話佢哋假分手，仲話謙仔闖傅穎香閨，實在有自製新聞之嫌。傅穎噚日同梁靖琪出席喺鑽石山舉行嘅新年活動，俾好多記者包圍追住問，傅穎話：「我都係今朝先睇到，我唔係因為報道去講，我係有講過佢冇句真，如果唔信我，可以問羅生，如果佢冇做過叫佢否認。」佢仲話：「我係有講過佢一腳踏兩船，一個女仔喺感情上受到傷害，仲要俾人話炒作新聞，你哋不如問番個男主角，我一個女仔行出嚟講，又話我屈羅仲謙谷新碟，我不嬲都係講真話。」跟住佢仲攞個電話出嚟，證明佢間屋真係俾人掟玻璃，又有差人上門查案。

放大圖片

傅穎同羅仲謙呢對緋聞情侶，唔理係真定係假，但佢哋啲新聞已經令人好煩厭。資料圖片

放大圖片

羅仲謙喺電視城被問到係咪上傅穎屋企，佢馬上封口話唔想講太多。

又出動眼淚攻勢

其實最好笑係傅穎從來冇認過同羅仲謙拍拖，但就猛話人哋傷害佢。傅穎一聽到呢度就即刻眼紅紅，又話：「你哋都估到喇，不過已經係過咗去，我唔會再講。」男主角羅仲謙就喺電視城話：「我未睇過報道，我印象中好耐冇上過去。」之後問佢係咪假分手？謙仔話唔好講呢啲喎。


為洗脫造新聞嫌疑，傅穎即場攞電話騷啲相畀大家睇。