旅行旅遊西班牙巴塞隆拿巴塞日日試 Tapas　半挺半腍吞拿魚－明星靚相大分享☆

最唔鍾意食正餐，你知，中國人傳統上要每餐食大大碗粉麪餐再加大大碟餸菜，先對得住自己每日辛勤勞苦，再另加天寒地凍，每餐撐到飽係事在必行。將鏡頭轉向西班牙，當地人尋常名物 tapas，將我國飲食習慣完全推翻，每次小碟奉上，其實咁樣更符合現代健康飲食教條啦！記者、攝影︰吳美美鳴謝︰卡塔爾航空、西班牙旅遊局

Bar Lobo：八點半已滿座放大圖片
■巴塞人畀我感覺好好，十個有九個侍應都笑容滿面唔做作。

■巴塞人畀我感覺好好，十個有九個侍應都笑容滿面唔做作。

略略都要解構何謂 tapas，其實就類同前菜、小吃，有冷菜有熱葷，直頭似上海的八小碟，煎炒煮炸乜款式都有，大家同桌一齊叫幾款配埋酒啤啤佢，咁就變成一個 full meal，小記就最 buy呢種食法。到巴塞，日日都有機會接觸 tapas，日日轉場試新款，無妄想地要試勻上億款 tapas，只希望盡肚皮最大能力。第一間，我試了在 06年開業的 Bar Lobo，非常之近巴塞彌敦道 La Ramblas，很多人睇完歌劇、 museum如小記般就過嚟坐坐。晚上約八點半，以當地人來說時間尚早，但經已九成半入座，證明有啲嘢。 Order了六款 tapas，驚人地每款水準都有 80分以上，就算最簡單的炸薯仔配辣辣沙律醬都香口外脆內腍，若要殘忍地要我只選一款的話，吞拿魚他他配牛油果醬 is the best！全因底下那 pat沙律醬料配半挺半腍的吞拿魚，濃與淡味溝得非常正。至於裝修也值得一提，牆上貼滿定時定候的藝術節目，底下用木箱放餐具，配上日式紙圓燈，感覺好 warm，作為「圍威喂」的聚腳點非常 good。

放大圖片
■吞拿魚他他配牛油果醬，好 fresh兼健康。約$88/a

■吞拿魚他他配牛油果醬，好 fresh兼健康。約$88/a

放大圖片
■炸薯仔配辣辣沙律醬，原隻薯仔炸至外脆內軟。約$41.4

■炸薯仔配辣辣沙律醬，原隻薯仔炸至外脆內軟。約$41.4

放大圖片
■煎西冷牛煎得剛剛熟，有牛味，會一啖一啖好快食晒。約$176

■煎西冷牛煎得剛剛熟，有牛味，會一啖一啖好快食晒。約$176

放大圖片
■ Extra cool喜力，外形完全表達到。

■ Extra cool喜力，外形完全表達到。

a.Bar Lobo　地址︰ Pintor Fortuny 3, 08001 Barcelona

Picnic：食靚靚賣相放大圖片
■客人與 chef之間就你有你傾，我有我煮。

■客人與 chef之間就你有你傾，我有我煮。

香港酒樓有落場時間，但通常 5點之前個個都歸位，但巴塞餐廳就有本事 8點才再開始營業，真係餓到呢……挑選 Picnic試 tapas，某程度上是想「參觀」它多用途的 open area，餐廳地方不大，所以想到將餐桌作為廚房的延伸，令客人與 chef之間變得互動，你可以看到他的預備情況而即時提出要求，與侍應亦好似幾熟絡地搭訕。食物的味道，在 Picnic變得其次，賣相更值得舉手表揚，如利用小罐頭裝滿煙熏青口仔伴橄欖餅乾，做得精緻到不能不影低幾張相向朋友威吓！再來一個暖的蘆笋雜菜牛油果沙律伴炸脆金菇，顏色配搭很靚。每次食完，侍應都會問一句好唔好食，得唔得，記得食嘢時諗定點答呀！人哋問得好真誠 o架！

放大圖片
■煙熏青口仔伴橄欖餅乾，擺得好靚囉！約$57/b

■煙熏青口仔伴橄欖餅乾，擺得好靚囉！約$57/b

放大圖片
■暖的蘆笋雜菜牛油果沙律伴炸脆金菇。約$170.8

■暖的蘆笋雜菜牛油果沙律伴炸脆金菇。約$170.8

放大圖片
■發覺巴塞的餐廳都愛帶家的感覺，呢套茶具係證據之一。

■發覺巴塞的餐廳都愛帶家的感覺，呢套茶具係證據之一。

放大圖片
■就算餐廳幾細，都要特別造就一個留白的空間。

■就算餐廳幾細，都要特別造就一個留白的空間。

b.Picnic　地址︰ Calle Comerc 1, 08003 Barcelona

Agua：周末必先訂枱

過去單純地以為，幫襯一間餐廳只求食物質素，但人大了，就連周邊環境都要食埋！ Agua餐廳在地下一層，室外座位則是面對無敵地中海海景，唔食都埋嚟睇睇啦！室內佈置點晒題，以海洋陳設為主，牆身都髹上海水色，頭頂又見吊住條魚，就連酒吧啤酒機都用魚頭拼湊。既然乜都用「海」，主打海鮮亦不出奇，睇網友評論，話魚、蝦、蜆正，當然試齊晒，以魚、蜆較突出。我試咗浸油魚伴番茄醬，淡鮮甜味、肉身好軟滑，而最簡單的烤蜆就一定好味道，因本身貨源靚大晒，完全唔需要大龍鳳去煮佢。遊客們，若想星期四五六到訪，請先訂枱，鬼叫呢幾日有人唱歌表演咩！

放大圖片
■地中海海鮮都幾難唔好食，簡單烤蜆已穩贏。約$124.2/c