Final Fantasy PSP 最終幻想　裙仔飄蕩上戰場 @ 明星靚相大分享☆

PSP最終幻想　裙仔飄蕩上戰場

向來《 Final Fantasy》系列都係唯美派代表，最新作《零式》唔喺 PS3推出，改為 PSP上登場，好在有 7位型英帥靚正男角，再加 7位條裙短到「犯晒校規」嘅長腿妹，視覺上已令人神魂顛倒，連遊戲系統都夠複雜同襟玩，難怪機迷勁讚外傳嘅質素，絕對拍得住正牌續集！記者：許福合

最複雜《 FF》放大圖片

PSP版《零式》屬外傳式作品，玩家操控嘅 14名角色，皆是魔導院學生，身穿西洋風格校服，相比傳統戰鬥服，特別醒神！第二章開始， 14人已一次過齊集，雖然套衫 Fashion到一啲都唔似返學，不過見到女角們上陣殺敵時又踎又跳，身上條短裙仔飄吓飄吓咁，仲可送禮物同泳衣畀女教官，滿足一下兒時迷戀 Miss嘅心願，今勻姑且原諒佢嘅超現實啦。戰鬥系統頗複雜，分開物理近戰同魔法遠攻外， 14位主角仲各有獨特攻擊技能，隊員有啲初期弱雞，但中期學會某種技能後，勁到可當「膽」嚟用，有啲擁有嘅魔法又彌足珍貴，每次出戰要揀三人編為一小隊，淨係諗點配搭、取長補短，已經頭都大埋，仲要記住每人有乜招、裝備啱唔啱，比《 FF12》配 Auto指令更麻煩，玩咗咁多年《 FF》，今集都堪稱最複雜喇。

放大圖片
■七位女角，懶理戰況激烈，一樣短裙上陣。

■七位女角，懶理戰況激烈，一樣短裙上陣。

放大圖片
■ 14人技能都唔同，諗計取長補短已頭痕。

■ 14人技能都唔同，諗計取長補短已頭痕。

放大圖片
■升級時得到嘅 AP點，可提高角色技能。

■升級時得到嘅 AP點，可提高角色技能。

放大圖片
■從情報內有「依賴」，可確認進行中任務。

■從情報內有「依賴」，可確認進行中任務。

老朋友召喚獸登場放大圖片
■軍神巴哈姆特制空力超強，有強力的攻擊，同時可使用落雷。

■軍神巴哈姆特制空力超強，有強力的攻擊，同時可使用落雷。

上網睇機迷留言，除咗對 AP同戰鬥系統有疑問之外，任務亦係最多人感到困難嘅地方。首先，玩家除咗參與故事相關的主線任務外，仲可進入大地圖與敵方交戰，接受的指令會實時按戰況而改變，內容包括限時擊倒指定數量的敵人、解放敵方設施或擊倒指揮官等，若果無法完成或時限結束，都會當作任務失敗，類似 SLG嘅戰略玩法。還有軍神系統，即係《 FF》嘅召喚獸，以犧牲其中一位隊員生命，換嚟強勁嘅召喚獸幫拖，能在限定時間內提供強大火力輸出，暫時遇到嘅軍神，已有齊冰女、火魔、奧丁、巴哈姆特等「老朋友」，對《 FF》死忠嚟講，一定好親切。

放大圖片
■ BOM魔法以圓形為中心，對周遭敵人作魔攻。