上星期四（二十七日），陪男友長期北京生活嘅張曼玉，現身香港做Burberry新店開幕嘉賓。一向唔鍾意講私事嘅Maggie，當晚煞有介事咁公開講男友Ole Scheeren，對於有報導話佢同拍拖五年男友分手，佢話同男友係咪一齊，係自己嘅事，但一而再強調冇送名錶靚車俾對方。


唔願正面認分手，Maggie仲投訴記者話佢因為感情問題搞到皮包骨，其實自己過去十年都係咁上下，亦生活得好開心。咁又係，Maggie瘦唔係今日嘅事，但閣下的確一次比一次dry喎！就算話北京天氣乾燥，又唔見范冰冰李冰冰係咁，就算老你好多嘅劉曉慶都冇事吖！喂喂喂，再咁落去，點拍Olay呀！ ####


有幾乾有幾多紋，自己睇，八珍根本毋須多加形容。


著住條成身都係褶，腰位又多嘢嘅長裙，Maggie依然骨感。


同場嘉賓仲有楊千嬅，丁太有老公又有奶奶湯水滋潤，湯唯話齋，嘩，滑呀！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄