台慶劇《法證先鋒III》播咗十幾集，keep住平均收視32點，最高35點。唔少觀眾喺網上同討論區話掛住《法證》一、二集嘅男主角歐陽震華，狂踩《法證III》嘅黎耀祥做戲得把聲，又搞「邊個做最好？」投票，結果波比以大比數勝出，波比嫂傅潔嫻仲喺微博話自己都投咗老公一票。


老公俾人踩，祥嫂氣定神閒，以四兩撥千斤。「TVB好多劇迷好根深蒂固，每個人都有支持自己嘅人，我平時準備一家嘅起居飲食已經好忙，無時間網上拉票，每日只係想快啲做晒家務睇《法證》。」做得星太，甚至出面幫老公傾job講價，祥嫂身經百戰，唔玩口水戰！黎耀祥仲勁，直情話自己冇睇過歐陽波比嘅《法證》，真係咬佢唔入！ ####


妖，頂住！（設計對白）祥仔以道士造型出席谷劇活動，對於網民指歐陽震華比佢好，視帝話冇睇過對方喺《法證I、II》演出，不表意見。


近年轉戰內地，曾是無綫福將嘅波比被飛出《法證》系列，唔少觀眾為他不值。


《法證》系列拍到第三輯，男主角由波比變祥仔，女主角阿佘變張可頤，面目全非。


祥仔夫婦一家三口一條心，搵錢至上，網民抨擊，完全唔放上心。


觀眾網上發起投票，波比大比數勝出，也有網民大鬧黎耀祥得把聲演技誇張。


歐陽波比老婆以「Rosanna Fu」網名，在微博幫老公拉票。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄