如果就咁講李毓芬，香港嘅讀者可能未必知係邊個。咁，如果媽咪姐話俾大家聽佢就係有「小徐若瑄」稱號、小豬羅志祥嘅緋聞女友，相信大家應該有印象啦啩。為乜突然講起佢呢？因為全靠佢一條草莓底褲，令到一個悶爆嘅產品活動有番啲生氣。話說上星期三（ 10日），李毓芬出席 Ed Hardy亞洲版太陽眼鏡嘅活動。講起當日嘅活動，媽咪姐嘅台灣行家話真係激到標火，單係發表會時間一改再改，由正午推到近黃昏，呢啲都算嘞；最惡頂同場嗰幾個台灣 o靚模，完全唔合格，連擺個甫士都硬手硬腳，搞到啲傳媒冇晒癮仲走咗一大半㖭。好彩原來「好戲」在後頭，輪到李毓芬上台，佢突然一個大轉身，條粉色篷篷超短裙立時飛起，即時露出佢條小底底。本來露底時時有，冇乜特別，之但係李毓芬條小底底上面，竟然係一個個草莓圖案，鬼咁 cutie。於是乎，令到嗰班烏眉瞌睡嘅攝影大哥當堂醒神晒。
李毓芬呢個裝扮，吸引力本來一般，但條草莓底（小圖）原來先至係殺着。《台灣蘋果日報》圖片
小豬對同李毓芬嘅緋聞，一直係認與唔認之間，長做長有。《台灣蘋果日報》圖片* e$ I/ P f& o* g0 V) G
+ X* m/ R7 Q" W; ~! d
李毓芬除咗以「羅志祥女友」身份響朵外，仲有小徐若瑄嘅稱號。呢個甫士抄足小瑄（小圖），又確係有幾分似。《台灣蘋果日報》圖片
全站熱搜
留言列表
