明星靚相大分享☆

姊 妹 分 拆 阿 Sa 和 阿 嬌 最 後 一 次 以 Twins 名 義 公 開 露 面 ， 已 是 去 年 9 月 到 四 川 出 席 《 英 皇 擂 鼓 心 連 心 關 愛 賀 中 秋 》 的 慈 善 活 動 ， 相 信 短 期 內 也 難 再 同 台 演 出 。

自 從 阿 嬌 （ 鍾 欣 桐 ） 捲 入 「 淫 照 」 事 件 後 ， 一 直 希 望 借 助 白 龍 王 幫 手 轉 運 。 早 前 白 龍 王 在 泰 國 舉 行 的 祈 福 會 ， 更 有 傳 阿 嬌 會 出 席 ， 結 果 阿 嬌 沒 有 到 場 。 原 來 老 闆 楊 受 成 專 登 邀 請 白 龍 王 秘 密 來 港 ， 為 她 3 月 的 復 出 大 計 指 點 迷 津 。
上 周 三 （ 11 日 ） 晚 七 時 許 ， 楊 受 成 安 排 了 兩 架 七 人 車 親 自 到 銅 鑼 灣 柏 寧 酒 店 接 白 龍 王 與 阿 嬌 會 面 ， 當 晚 白 龍 王 指 點 阿 嬌 「 復 出 要 一 個 人 」 。
據 知 ， 英 皇 得 悉 後 ， 決 定 安 排 阿 嬌 單 獨 工 作 ， 主 力 拍 電 影 和 廣 告 ， 暫 不 以 Twins 形 式 復 出 。

阿 嬌 求 見 白 龍 王 ， 早 有 前 科 。 去 年 2 月 ， 白 龍 王 來 港 為 楊 受 成 英 皇 駿 景 酒 店 睇 風 水 時 ， 阿 嬌 求 見 ， 卻 遭 白 龍 王 婉 拒 ， 原 因 是 「 未 係 時 候 。 」 同 年 3 月 ， 阿 嬌 被 拍 得 聯 同 楊 受 成 和 阿 Sa 到 泰 國 求 見 白 龍 王 ， 當 時 有 指 白 龍 王 批 她 事 業 難 有 起 色 。
直 至 今 年 1 月 ， 白 龍 王 終 於 贊 成 阿 嬌 復 出 ， 阿 嬌 本 打 算 農 曆 新 年 親 往 泰 國 拜 會 對 方 ， 但 為 免 記 者 追 訪 ， 故 改 請 白 龍 王 來 港 會 面 。

上 周 三 （ 11 日 ） 晚 ， 楊 受 成 （ 圖 右 一 ） 親 自 到 酒 店 接 白 龍 王 （ 紅 圈 ） 出 外 ， 還 安 排 保 安 駛 車 （ 右 圖 箭 嘴 ） 阻 擋 記 者 追 訪 。

拍 電 影 要 選 泰 國

上 周 三 （ 11 日 ） 晚 六 時 許 ， 楊 受 成 名 下 的 一 部 七 人 車 先 行 到 達 銅 鑼 灣 柏 寧 酒 店 ， 幾 名 保 安 下 車 視 察 環 境 。 約 十 五 分 鐘 後 ， 楊 受 成 再 坐 另 一 部 七 人 車 到 場 ， 不 久 便 帶 同 白 龍 王 等 人 一 同 登 車 。 離 開 時 ， 保 安 為 讓 楊 生 及 白 龍 王 順 利 擺 脫 記 者 追 訪 ， 還 將 車 慢 駛 阻 擋 採 訪 車 尾 隨 。
據 知 ， 當 晚 楊 生 這 樣 緊 張 ， 是 安 排 了 阿 嬌 跟 白 龍 王 見 面 。 席 間 白 龍 王 為 阿 嬌 祈 福 外 ， 還 贈 她 ： 「 復 出 唔 係 唔 得 ， 但 係 要 一 個 人 。 」 據 知 情 人 士 表 示 ， 楊 生 知 道 後 即 時 叫 阿 嬌 暫 時 放 棄 唱 歌 。 「 既 然 白 龍 王 咁 講 ， 楊 生 佢 當 然 信 啦 ！ 咪 叫 阿 嬌 唔 好 唱 歌 住 ， 因 為 唱 歌 一 定 要 Twins 名 義 ， 況 且 佢 復 出 反 應 點 都 未 知 ， 公 司 都 怕 佢 會 連 累 埋 阿 Sa 嘛 ！ 」
另 外 ， 白 龍 王 亦 指 示 阿 嬌 起 步 地 點 在 泰 國 會 更 順 利 ， 所 以 英 皇 安 排 阿 嬌 接 拍 電 影 ， 取 景 地 方 都 會 首 選 泰 國 。 最 近 有 報 道 指 ， 阿 嬌 將 於 3 月 至 5 月 接 拍 彭 發 導 演 的 三 級 驚 慄 片 。 在 泰 國 長 大 的 彭 發 ， 向 來 都 愛 在 泰 國 取 景 ， 正 好 配 合 英 皇 的 要 求 。 而 阿 嬌 回 歸 頭 炮 會 擔 任 牛 仔 褲 品 牌 亞 太 區 代 言 人 ， 3 月 又 會 亮 相 《 志 雲 飯 局 》 ， 剖 白 「 淫 照 」 事 件 後 感 受 ， 希 望 盡 快 洗 底 。

上 周 四 （ 12 日 ） 早 上 ， 白 龍 王 到 達 AIG Tower ， 準 備 幫 林 建 岳 辦 公 室 睇 風 水 ， 被 本 刊 記 者 問 到 昨 晚 跟 阿 嬌 會 面 一 事 ， 但 他 只 是 面 露 笑 容 ， 不 肯 開 腔 回 應 。

早 前 林 建 岳 旗 下 的 豐 德 麗 春 茗 ， 林 生 刻 意 安 排 舒 淇 和 楊 千 嬅 坐 在 他 左 右 ， 可 見 兩 人 非 常 得 寵 ， 今 次 在 港 跟 白 龍 王 會 面 ， 當 然 預 埋 兩 名 愛 將 。

Mani ： 有 同 彭 發 見 面

據 阿 嬌 身 邊 好 友 透 露 ， 自 從 她 得 悉 即 將 復 出 後 ， 表 現 得 相 當 緊 張 ， 朋 友 找 她 去 街 也 不 應 約 ， 「 佢 知 道 就 復 出 ， 就 打 死 唔 肯 出 街 ， 話 怕 公 司 唔 鍾 意 ， 好 似 好 得 閒 冇 事 做 咁 喎 ！ 」
本 周 三 （ 18 日 ） 晚 ， 記 者 就 阿 嬌 會 見 白 龍 王 一 事 ， 聯 絡 阿 嬌 經 理 人 Mani （ 霍 汶 希 ） ， 她 承 認 阿 嬌 會 單 拖 復 出 。

記 ： 之 前 白 龍 王 過 香 港 ， 楊 生 係 咪 安 排 阿 嬌 見 白 龍 王 ？
M ： 冇 見 過 白 龍 王 。
記 ： 阿 嬌 緊 係 咪 會 拍 彭 發 三 級 驚 慄 片 ？
M ： 我 係 有 同 彭 發 、 阮 世 生 等 導 演 見 過 面 ， 因 為 未 確 定 同 邊 個 導 演 合 作 ， 落 實 我 會 公 布 。
記 ： 依 家 阿 嬌 單 拖 復 出 ， 係 咪 怕 佢 有 咩 問 題 會 連 累 阿 Sa ？
M ： 講 真 ， 如 果 真 係 要 咁 樣 話 ， 客 戶 肯 用 你 （ 阿 嬌 ） 先 得 。 依 家 所 有 廣 告 商 都 係 搵 阿 嬌 嘛 ， 所 以 好 順 理 成 章 就 會 一 個 出 返 。 唔 係 話 怕 邊 個 累 邊 個 ， 總 之 順 其 自 然 。
記 ： 咁 阿 嬌 幾 時 會 用 番 Twins 呢 個 組 合 復 出 ？
M ： 適 當 時 候 啦 ！
記 ： 即 係 依 家 唔 係 適 當 時 候 ？
M ： 未 係 。

阿 嬌 當 日 回 應 「 淫 照 」 事 件 時 ， 一 句 「 好 天 真 好 傻 」 加 上 燦 爛 笑 容 ， 令 各 界 大 肆 批 評 ， 形 象 跌 落 谷 底 。

阿 嬌 最 近 一 次 工 作 ， 已 是 去 年 10 月 到 南 昌 出 席 「 第 三 屆 華 商 領 袖 年 會 文 藝 晚 會 」 ， 難 怪 她 想 盡 快 復 出 搵 錢 。

霍 汶 希 承 認 阿 嬌 將 於 三 月 復 出 ， 並 會 以 拍 電 影 為 主 。

楊 千 嬅 舒 淇 問 前 程

白 龍 王 難 得 來 港 ， 行 程 緊 密 ， 上 周 三 （ 11 日 ） 見 完 楊 受 成 和 阿 嬌 ， 翌 日 即 被 林 建 岳 mark 實 ， 他 先 到 林 建 岳 位 於 AIG Tower 的 辦 公 室 為 他 看 風 水 。 不 久 ， 林 建 岳 旗 下 藝 人 舒 淇 和 楊 千 嬅 先 後 到 場 ， 據 知 白 龍 王 當 日 向 舒 淇 贈 言 ： 「 在 大 陸 發 展 會 有 利 ， 感 情 事 唔 好 諗 住 」 。 至 於 楊 千 嬅 ， 白 龍 王 則 叫 她 任 何 事 「 三 思 而 後 行 」 ， 看 來 她 跟 丁 子 高 的 婚 事 都 要 諗 清 楚 啦 ！

舒 淇 跟 葛 優 主 演 的 《 非 誠 勿 擾 》 ， 在 內 地 破 票 房 紀 錄 大 收 近 4 億 ， 證 明 舒 淇 在 內 地 發 展 有 利 。

有 傳 6 月 上 海 嫁 丁 子 高 的 楊 千 嬅 ， 聽 完 白 龍 王 一 席 話 後 ， 會 否 改 變 主 意 唔 嫁 住 呢 ？

余 文 樂 繼 早 前 到 泰 國 白 龍 王 祈 福 大 會 時 ， 狂 黐 林 建 岳 和 林 孝 賢 成 功 後 ， 今 次 白 龍 王 來 港 亦 能 在 林 建 岳 安 排 下 ， 與 老 友 彭 宇 晏 齊 見 白 龍 王 。