日前，一班《飛女正傳》演員為新劇喺中環出席宣傳活動，盛傳有咗BB嘅蔡少芬成為焦點，佢着住貼身衫以行動否認懷孕傳聞。至於翌日生日?男主角陳豪亦都備受矚目，事關傳媒都爭相問佢同舊情人廖碧兒有冇聯絡或者慶祝活動，當日喺記者會亦都成為陳豪嘅生日會，蔡少芬全程表現風騷，一時攬實壽星公唔放，一時揩忌廉篤對方個鼻調情。

跟住，眾演員向途人送上香吻貼紙同鮮花、海報等，蔡少芬再度出招，專攻外籍途人，教對方做出嘟嘴表情；另外，蔡少芬見到一名途經卻表現閃縮嘅伊斯蘭教徒，即時衝上前向對方塞上貼紙，嚇到對方又驚又喜，即時引嚟閃光燈不絕，做明星要唔怕醜先可以搶鏡吖嘛。


《飛女正傳》一眾演員早前齊集為新劇宣傳，男女主角陳豪、蔡少芬成為焦點。


一班演員提前為陳豪送上蛋糕慶祝，蔡少芬亦大方吻賀對方。


貪玩嘅蔡少芬用手指揩忌廉再篤陳豪個鼻，你睇陳豪幾受落？


成班演員向落電梯嘅途人送禮，場面墟冧又熱鬧。


朱慧敏、蔡少芬同周家怡拍住上，向途人送禮。


蔡少芬送完香吻貼紙，仲教呢位外籍途人嘟嘴。


蔡少芬向呢位伊斯蘭教徒送上香吻貼紙時，嚇到對方又縮又驚。

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄