胡杏兒早排接咗單工作，原來係幫公司姊妹廖碧兒頂替嘅，辣妹都覺得好奇怪，不過杏兒就非常大方，一啲都唔覺得係「執二攤」，最緊要有工作，辣妹就問杏兒，知唔知廖碧兒究竟咩事甩底？講真啲，就算杏兒知，佢都唔會講點解喇，所以辣妹都預咗杏兒答唔知嚟喇。

不過嗰日話晒都係一個遊艇活動，辣妹見到都覺得開心兼興奮，有靚女杏兒、又有靚遊艇，簡直係冇得頂。杏兒仲話，如果有遊艇，就可以去冇人喺沙灘游水，辣妹即刻講笑話，咁不如叫黃宗澤送囉，杏兒話咁大個女，都未曾識過一個有錢男友，可以送遊艇咁犀利喎！喂，咁努力啲搵錢喇，黃生！


咦，原來有西人，唔怪得當初搵廖碧兒喇，不過唔緊要，杏兒都講得兩嘴嘅。


杏兒愈來愈瘦，肥田都做完咁耐喇，唔使再減肥喇嘩？


杏兒於中環出席「公主遊艇」嘅宣傳活動，嘩，靓到選港姐嗰時咁。

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄