死唔斷氣嘅獎門人又嚟喇！今次仲改咗個名叫《超級遊戲獎門人》，名係勁呀，可惜出師不利呢！之前碼住《鐵馬尋橋》夾擊金像獎，《鐵》收視高達43點，佢就只得25點，等於人哋一半多，都咪話唔失威。
為免再做二字頭，曾志偉決定加碼，實行鹹味大發放，請咗高海寧、陳爽、張美妮等三線星送大禮，又咀嘴、又送波餅，場面極盡香艷，筍成咁，難怪連出名虔誠老王祖藍都玩得好興奮，唔單止攞咗35D高海寧嘅銀幕初吻，去到「超級無敵爆波波」環節，祖藍仲成個人坐落高小姐度，呢鋪飽咯，最衰辣妹係女人，唔係都落場玩埋一份，抽啲水都好。祖藍就好艷福呀，不過金剛就慘咯，對手竟然係朱咪咪，人哋玩到唔想停，佢就嗌晒救命叫媽咪，幾乎成身都俾咪咪姐摸勻，原來呢個世界真係有女色狼！ 
為免35D外洩，高海寧包到成隻粽咁，睇頭弱咗啲。 
靚女在前，祖藍都好難錫身，一啖咀落去，攞埋對方銀幕初吻。 
祖藍咀完高海寧又有得咀朱咪咪，呢啲咪叫齊人之福囉。 
梁烈唯咀張美妮，動作夠肉緊，可惜輸在人氣，冇乜人理。 
志偉嫌陳爽咀得唔夠肉緊，索性喺後面用手推，哇，好激唷！ 
面對靚女，祖藍都好難錫身，睇佢坐得幾肉緊。 
咪咪姐咁樣坐金剛法，孱少少都可能斷幾條骨。 
高海寧男人緣強勁，張國強同梁烈唯爭住扶佢。 
心口碎大石就見得多，陳爽呢招心口碎波，一樣好震撼。
全站熱搜
留言列表
