近日有網上節目聲稱爆料，指近 12年有一位港姐三甲人馬是變性人。昨晚慧妍雅集舉行慈善晚宴，「港姐中港姐」朱玲玲聞到變性人港姐，她批評所謂爆料令她震驚，朱玲玲強調自己絕不相信這些傳聞。至於慘被拖落水的向海嵐，則罕有地以性感低 V晚裝現身，實行以胸前事業線闢謠。
其他娛樂名人影片
慧妍雅集昨晚於灣仔君悅酒舉行「綠惜慈善晚宴 2010」，一大班港姐悉心打扮出現，大部份皆以性感晚裝現身，被譽為「港姐中的港姐」朱玲玲則以一身密實優雅打扮偕同老公羅康瑞恩愛出現。提到新一屆港姐近日進行面試，朱玲玲表示前日剛從外地回港，故未有留意，至於蕭若元網上電台節目日前爆料，聲稱在近 12年內有一位港姐三甲人馬竟是變性人，朱玲玲聽到驚訝地說：「吓？雖然我唔知乜嘢事，但好 shock，好難相信，我就一定唔信。」她更叮囑傳媒的說話要對港姐公平。
放大圖片 
朱玲玲以一套密實晚裝，與羅康瑞十指緊扣出現。
放大圖片 
趙雅芝昨晚和老公黃錦燊結伴到場，結婚多年依然恩愛。
欲返港再做幕前
另外，問到兒子啟剛和跳水皇后郭晶晶的婚期，朱玲玲則說：「真係未知，搞到我身痕㖭，你哋問番佢，呢啲都急唔嚟，畀壓力佢都冇用，幸福係要自己爭取，不過都多謝大家關心。」變性港姐傳聞爆出後，慘被拖落水的向海嵐是夜以一身低 V晚裝出現，酥胸半露，她透露今次是專程由上海返港出席，記者大讚她保養得宜，向海嵐說：「我係香港小姐，唔可以差 o架，女仔梗係要扮吓靚。」她又表示有興趣返港在幕前演出。
放大圖片 
久違了的陳法蓉以露肩晚裝性感現身，狀態不錯。
放大圖片 
陸詩韻表示會退出娛圈幫老父打理生意，不過依然為港姐出一分力。
指侮辱評判眼光
提到傳有變性人港姐，向海嵐說：「唔會係囉，無綫係大機構，選港姐好嚴謹，佢咁講即話當日啲評判眼光有問題，可信性極低。」向海嵐反問記者是由何處傳出，她嘲諷地說：「係咪冇乜嘢大新聞？雖然香港有言論自由，之前已經話整容，家話變性，遲啲唔知講乜，真係要適可而止。」另外，曾是情敵的陳法蓉及陸詩韻昨晚同場現身，但兩人卻未有任何交流。採訪：何慧斯 攝影：葉君海 
向海嵐慘被捲入變性人港姐的是非中，難怪她悉心打扮現身闢謠。
向海嵐 DeepV 證非 人妖
留言列表
