高海寧和百果園 E神陳靜（ DaDa）昨日又以孖公仔咪神一同到銅鑼灣出席活動，兩人不約而同以低胸裝出現，狂晒事業線，兩人身材不相伯仲難分高下，高海寧則患有重感冒。
憂交重稅
問到高海寧和 DaDa是否實行拍住上搵銀？她們都異口同聲表示不介意，至於造型噴血，莫非不擔心在鬧市遇到鹹豬手？高海寧說：「咁多人喺度，唔擔心。」問到是否因酬勞好才如此性感現身，高海寧表示滿意，近日工作大增，會否擔心要交重稅？高海寧坦言未交過稅，故此也有點擔心， DaDa則說：「我今年成日都有啲小意外見血，希望下年唔好見紅，只係越來越紅就好。」採訪、攝影：卓寶花 
高海寧和陳靜（右）昨日同樣以低胸裝出現，齊齊狂騷事業線。
陳靜食腦奇招撼贏高海寧
陳靜（DaDa）與高海寧兩位新一代咪神昨「聯咪」為品牌到鬧市宣傳，兩女雖揚言不擔心身材和酬勞被比較，但其實暗地較勁大鬥「事業線」，惹來數十對眼「圍目及」；對小孩更出盡法寶「爭寵」，最後DaDa以奇招出位，成功搶「峰」頭！
DaDa與高海寧繼前日攜手出席活動搵真銀後，昨日再一同被邀到銅鑼灣鬧市宣傳時尚拖鞋品牌，向來不吝嗇身材的二人，即使在鬧市面對有數十名男士圍觀及拍照，一樣大騷誘人身段，DaDa的低領短裙露出四吋長事業線，不過高海寧憑吊帶Deep V裙露出五吋事業線突圍而出，稍勝第一回合。
向小朋友埋手
不過DaDa未有氣餒，眼見有可愛小朋友獲贈紀念品，即大方烏身氹小朋友合照，即時扭轉劣勢，高海寧見狀亦出手拉攏，順勢蹲低的DaDa合照時輕扶小朋友手肘，卻不經意遮住了高海寧的事業線，DaDa受訪時大擺甫士，胸口位置更見呼之欲出，搶盡「峰」頭的她吸引傳媒狂拍，成功反勝。
兩女成功捉住小朋友合照。
陳靜（右）與高海寧同被封為新一代咪神，昨日兩女同場交「峰」，難免被互相比較。
性感女神DaDa擺甫士駕輕就熟。
不欲比較酬勞
事後問到她們穿得如此性感在鬧市宣傳，有否擔心自身安全？高海寧說：「唔驚，知道有好多傳媒喺度，唔會有事嘅，就算有都實影到。」DaDa亦大表認同：「事前知道晒個程序，係好安全嘅。」對於近日經常一齊做活動，怕不怕被人比較？高海寧揚言她與DaDa都很靚，DaDa則認為有比較是好事，至於可有傾過大家的酬勞，高海寧說：「冇傾過呀，因為我自己都唔知幾多錢，不過我好期待收到稅單，因為我都未交過稅。」DaDa則說：「錢銀好敏感，要盡量避免。」
留言列表
