明星靚相大分享☆

早排有報導話鍾楚紅秘密搬去法國巴黎長期居留，仲入住行去羅浮宮只要十分鐘嘅塞納河豪宅。但轉個頭，紅姑已經回流返港，上星期五（八月十三日），《壹》仔喺銅鑼灣百德新街，見到佢一個人，挽住個新到見到褶痕嘅Hermes帆布夾皮手袋，行街睇衫。

巴黎買唔夠，紅姑鍾情法國貨，成條百德新街咁多品牌，唯一吸引到佢大駕嘅，只有來自法國嘅Isabel Marant，品牌今個夏季出咗唔少闊身tee，啱晒身形圓碌碌，下盤大到有啲過份嘅紅姑，家陣減價，唔買就笨。
喺鋪頭摸咗近半個鐘，紅姑先至滿足，打電話call人嚟接佢走。
講真句，八珍唔敢睇小久唔久走出嚟做代言搵一筆嘅紅姑，冇能力搬去法國長住歐羅消費，不過，話晒歐羅平極都挨住十算，如果飲杯咖啡都要乘大十倍嘅話，我揀香港囉！

唔使做，得閒就歐遊shopping嘅紅姑，拎住新入嘅Hermes，手插褲袋，回港繼續消費。

三十年前選港姐，紅姑都係一身圓，以今時今日嘅審美標準，當然超標。

紅姑美艷，但更吸引八珍留意嘅，係佢雄壯嘅下圍同粗圓有力嘅雙髀。

磨咗半個鐘，紅姑終於夠籌call人接佢走。

雖然已經半百，但紅姑魅力不減，行過兩男打雀咁眼。

喪夫超過兩年，紅姑身邊鮮有出現異性，每次車出車入，甚至法國陪玩，同係女性。