係人聽到「小人」呢兩個字都怕，今次教大家搵掌上嘅「小人線」，睇下自己一生小人係咪特別多。
小人線位於上火星丘橫向之小線，在心線與腦線之間，有時只有一條，有時則有三數條之多。
火星丘呢個位係代表防守與爭鬥，而火星丘上出現嘅短線，正係代表加強個人爭鬥心。爭鬥不絕，小人自然多，故稱之為小人線。如出現在先天手（即左手）代表三十歲前小人較多，出現在後天手（右手）則三十歲後小人較多。如果左右手同樣顯現，即代表一生所遇嘅小人極多。此外，有以下兩種小人線嘅人，更加要提高自己EQ，如果唔係真係俾班小人煩死。（紅色為小人線）
小人線深而長
有咁嘅情況，代表呢個人脾氣大，又好爭鬥，凡事喜歡與人爭執，令佢一生嘅小人特別多。
小人線彎向上
如果掌上有小人線，而線尾仲彎向上，靠近心線，代表呢個人較主觀，一啲都不容易接受別人的意見，因此容易樹敵，而佢份人亦較口是心非。
So time
讀者李小姐：
本人出生日期為197X年新曆X月14日凌晨2:15am，未婚。從事會計文職多年，需敬養年老父母，是家庭經濟支柱；有勞蘇師傅指點迷津。
1. 本人何時入運？有多少年？有沒有高峰？行甚麼財運，是個人力量得財運還是舒服懶運呢？
2. 本人未曾試過拍拖，是否屬「無夫命」？何時會結婚？有冇「幫夫運」或可享夫福？
3. 本人想以積蓄創業，有否老闆命？獨資或與親人合資？適合做甚麼生意？飲食業可以嗎？
4. 請問一生際遇如何？財運如何，有否偏財或橫財運？值多少分？
蘇師傅答：你嘅命格屬「木」，生於冬天，要「火」嚟照暖，「木」嚟生「火」，一生以「木」、「火」有利，個人大運方面，28歲入運，行到48歲，係「辛苦力量個人得財運」，適宜做專業、收入唔穩定嘅工作，所以你做會計都啱嘅，但一定要考到個會計師牌囉，做普通會計係冇用嘅！同埋你行「辛苦力量個人得財運」最好係做收入唔穩定嘅工作，固定月薪嘅工只會做到癲都冇着數！你到48歲時，個人運氣會停10年，待踏入58歲之後，仲有30年大運行。你係屬於「無夫命」，所以想搵番個伴就要自己主動一啲，把握桃花年。肖鼠及馬係你嘅桃花年，另外，逢「0」字及「1」字尾嘅年份會重姻緣，可嘗試喺已識嘅朋友當中搵吓，或者會有進展機會。嗱，入咗大運就可做生意，但你要親力親為先至可以賺到錢。整體嚟講你一生運氣都唔錯，但冇偏財運，唔好諗！實實際際把握機會去賺錢啦！
留言列表
