亞視今年挑戰高難度，竟用《 2010亞洲小姐競選》，硬撼無綫《萬千星輝頒獎典禮 2010》，結果亞視慘敗，亞姐賣肉騷的收視僅得 3點，即 19萬觀眾收看，創下歷年新低點，台慶頒獎禮則有 38點，有 242萬觀眾收看，無綫昨公佈最高點達 43點，即 274萬觀眾收看，拋離亞視幾條街。
其他娛樂名人影片
亞視前晚在內地合肥舉行《 2010亞洲小姐競選》，可是單靠美色觀眾並不受落，僅得 3點收視，得 19萬觀眾支持，輸得肉酸。反觀黎耀祥和鄧萃雯冧莊視帝視后卻帶旺收視。雖然無綫的頒獎禮也是分豬肉騷，但勝在粒粒紅星撐場，無綫外事部副總監曾醒明昨日透露頒獎禮最高收視高達 43點，即 274萬觀眾收看，他說：「係喺 10點 59分，頒最佳男主角，吳君如同劉醒（黎耀祥）上台一刻錄到最高 43點。」全港 274萬觀眾見證黎耀祥冧莊做視帝。
放大圖片 
雙料亞軍 19歲的維他芝寶絲娃，兼獲最上鏡小姐，舉腳擺甫士，差點春光乍洩。
放大圖片 
亞姐前晚頒獎嘉賓卡士很弱，上屆亞姐季軍許嘉慧（左）、陳庭威和羅霖，認真星光黯淡。
死撐節目緊湊口碑好 放大圖片 
韓國 35吋岩石胸佳麗權蕙洙大熱倒灶，只得梗頸四，拉票時又沒佳麗撐，人緣差。
至於大賣意淫的亞姐前晚收視得 3點，亞視製作高級副總裁葉家寶昨日在電話中死撐滿意：「可能香港嘅觀眾唔適應廣東話同普通話嘅雙語廣播，其實現場好緊湊，好成功，亞姐比起啲乜姐物姐仲靚。」葉家寶強調節目重口碑多於收視。問葉家寶可是因為佳麗生面口不吸引觀眾，他說：「可能冇咗多嘴芭比（已被擯的臭口芭比廖祉甯），佢就多啲人關注，但評委唔揀佢，一定有原因。」葉家寶指亞視揸弗人王征大讚亞姐決賽，他說：「王生（王征）話咁短時間搞到咁大型騷，係一個好成績，佢唔計較收視。」
《義海》結局雄霸廣州
有指亞姐四強穿三點式泳衣在椅子上向鏡頭翹臀擘腿，大賣意淫兼品味低俗，葉家寶並不認同：「呢個環節想考驗佳麗面對鏡頭反應，要佢哋用身體擺出更有美感嘅甫士，我哋綵排過好多次，唔會走光，而且攝影師都會就住。」廣管局昨日指亞姐泳衣環節接獲一宗投訴，主要是意識不良和侮辱女性。此外，《巾幗梟雄之義海豪情》上月 28日播出大結局，無綫昨日再報喜，指翡翠台當晚播《義海》大結局成為當晚全廣州收視之冠，吸引 1710萬人捧場，有 20.2收視點，佔 60百分比，橫掃國內，對出爐視帝黎耀祥和視后鄧萃雯來說可謂雙喜臨門。採訪：葉雪 
左起：亞軍維他芝寶絲娃、殿軍權蕙洙、季軍劉曉智和冠軍王欣的泳裝各具美態，但對電視觀眾來說卻乏吸引力。
留言列表
