明星靚相大分享☆

何鴻燊早前獲頒大紫荊勳章，之後又 89歲生日，其間女兒何超儀在外地拍片及宣傳，她選擇缺席授勳儀式，但就秘密返港靜靜為父賀壽，言談間更似乎暗寸有份出席授勳儀式的三、四房博影相。

其他娛樂名人影片

何超儀正於美國拍新片《 Courier》，其間曾飛往倫敦數天宣傳她投資及演出的《維多利亞壹號》，由於已向《 Courier》劇組請假一次，為免影響拍攝進度，早前賭王獲頒大紫荊勳章，超儀也只好缺席。

放大圖片

《維多利亞壹號》在多個電影節獲獎。劇照

放大圖片

超儀對有錢人世界感到厭倦。

靜靜賀父生日 放大圖片

賭王獲頒勳章當日，三、四房的超雲和超欣都有現身。資料圖片

不過，超儀原來曾神秘返港兩天，與父慶祝 89歲生日，她早前接受電話訪問說：「喺爹哋攞牌同慶祝生日之間揀，一定揀一家人靜靜哋同爹哋過生日，而唔係騰來騰去博影相好似做宣傳咁。」超儀早前往倫敦宣傳《維》片，接受多本電影及潮書包括《 Empire》及《 Dazed》、《 Clash》等訪問，她說：「《 Clash》將《維》片同妮坦莉寶雯演嘅 cult片《黑天鵝》（ Black Swan）相提並論，同埋套戲又喺好多海外電影節攞獎，係支好大嘅強心針。」

慶幸屋企打本

接受《 Dazed》訪問時，超儀說：「演戲係逃避現實嘅方法，我知唔應該抱怨自己嘅出生背景，但有錢人世界令我好厭倦。細個時媽咪最鍾意鼓勵我喺人哋面前唱歌，令我對唱歌演戲產生興趣，點知到我 18歲想申請入讀演藝學校，撕爛張入學申請書嘅又係佢，所以屋企肯打本畀我開電影公司，呢個轉變令我好驚喜。」採訪：梁錦貞攝影： Vernie Yeung（何超儀黑白照片）


超儀接受多本外國雜誌訪問，宣傳《維》片。