明星靚相大分享☆

20歲小巨肺林欣彤入行短短三個月已名成利就，豬籠入水，近日她更進軍國際，獲日本著名護膚品牌植村秀（ Shu Uemura）力邀做代言人，連計稍後聖誕和除夕倒數，短短三個月已勁賺超過 150萬，成為無綫最年輕的吸金王。

其他娛樂名人影片

林欣彤今年 9月憑無綫《超級巨聲 2》勇奪冠軍後，短短數個月，風頭已直逼一眾樂壇一線歌手，除獲無綫安排在大騷表演，又獲各大小商場力邀做嘉賓，以及獲安排在邵氏賀歲片《我愛香港》演出，更受到不少廣告商垂青，包括近日獲日本著名護膚品牌植村秀力邀做香港區首位代言人，認真威水。

放大圖片

入行三個月已賺到人生第一桶金，林欣彤當然飲得杯落。

放大圖片

備受無綫力捧的林欣彤，月前獲安排跟英國男高音歌手 Paul Potts同台合唱。資料圖片

酬勞 2萬加至 5萬 放大圖片

台慶序幕片段也是由林欣彤（前）帶頭領唱，認真巴閉。資料圖片

據悉，林欣彤今次廣告酬勞高達 6位數字，而工作不斷的她，聖誕及新年檔期工作已排得密麻麻，騷錢更由最初 2萬跳到現時 5萬起碼（唱歌騷錢另計），已追上昔日吸金王廖碧兒，所以林欣彤入行雖然只有短短三個多月，但已賺取超過 150萬元，成功賺了她人生第一桶金，堪稱為無綫新一代吸金王。林欣彤日前在九龍灣拍攝植村秀廣告，她穿上白色休閒服，盡顯簡單純真個性，她直言十分喜愛該造型，她說：「我都係第一次拍護膚品廣告，所以都好開心，好彩唔係太辛苦，都算係好舒服，亦覺得好榮幸。」問到酬勞多少，林欣彤表示不太清楚：「因為家都係初初出道，當係畀自己多少少機會去練習面對大眾，令自己唔使咁驚，好似之前都有試過客串吓拍劇同做主持，仲令到我更加有自信，同埋淡定企喺台上面唱歌畀大家聽。」

最想拍食品廣告

為令廣告效果理想，林欣彤特意向化妝師朋友請教護膚心得，希望以最佳狀態示人，她說：「最近皮膚都唔係太好，因為太多嘢做，而且瞓得又唔夠，所以都有請教身邊嘅化妝師，自己本身又係敏感皮膚，所以都要好小心，入行之後先開始真係去打理一吓自己嘅皮膚，不過唔可以戴金屬做嘅頸鏈，因為好易會敏感。」原來林欣彤十分喜歡食東西，所以她希望有機會拍有關食物的廣告，可以讓她大飽口福。採訪：王崇穎攝影：林德雄


新一代吸金王林欣彤日前以 6位數字酬勞，為日本護膚品牌植村秀拍廣告。