大閘蟹擦完一籮又一籮，但依然越食越有，原來安徽牧牛湖大閘蟹， 12月後的蟹公自然成熟更加肥美，可以食到農曆新年前。今日 GorSan教大家以日式方法去煮，夠新意又有風味，用來開 Party慶祝聖誕或元旦，簡直一流。記者：趙珮倩攝影：王文忠V壹網： http://www.vdonext.com/index.php?fuseaction=Features.Archive&channel_id=575603&program_id=1181688睇片即上留言電郵： mailto:adl.kitchen@yahoo.com.hk
今日煮腦 放大圖片 
張一豪（日本小吃達人）曾任飲食記者逾 10年，操流利日語及深愛日本美食，曾在港開設章魚燒店、糖果店等，最愛炮製日式小吃及料理。
煮題 大閘蟹變身日本料理水質佳蟹肺白雪雪 放大圖片 
牧牛湖的水質達國家二級標準，比深圳的飲用水三級水平還高，其出產的大閘蟹特別優質，蟹肺都係白雪雪！想試食每隻$18（約 4両）的牧牛湖大閘蟹，可 Click入http://www.funjetso.com。
加花雕炸餅更香口 放大圖片 
想可樂餅更香口，蟹味又濃的話，可配合這支瑤池古坊的 8年陳花雕享用，更加美味。
辛口米酒不失香氣 放大圖片 
這支天領純米酒，入口較乾及辛口，用來煮蟹不易令酒香流失，也可雪凍飲配大閘蟹享用。
蟹肉和風沙律 放大圖片 
00hr50min製作難度：★★★☆☆份量： 4人以大閘蟹和海藻做沙律，矜貴又健康，估唔到仲可以砌成聖誕樹，好別致！
材料
大閘蟹 2隻、熟松葉蟹腳肉 100克、沙律乾海苔 50克、新鮮乾若布 20克、舞茸 105克、白芝麻適量、牛油 5克、醬油/胡椒粉各少許汁料：昆布木魚汁 4湯匙、柚子醋 3湯匙、麻油 2湯匙
做法 放大圖片 
如覺得拆蟹粉麻煩，可用現成蟹粉較方便。
1.沙律乾海苔倒入食水中，浸 20分鐘至脹身，隔水備用。乾若布加入水中浸軟身，瀝水備用。2.舞茸撕幼細，開中火燒熱鑊下牛油，下舞茸炒香，放醬油、胡椒粉炒勻備起。3.白芝麻以白鑊炒至金黃盛起。4.燒熱水，放入大閘蟹蒸 10分鐘至熟，蟹蓋刮出蟹膏，蟹身刮出蟹肉，其他部份同樣挑出蟹肉備用。5.昆布木魚汁、柚子醋、麻油拌勻成汁料。6.將海苔上碟，淋少許汁料，再放舞茸、若布，淋汁，放上松葉蟹腳肉、蟹粉，重複鋪上海苔淋汁，餘此類推層層叠起做出聖誕樹形，最後撒上白芝麻即成。
放大圖片 
放大圖片 
蟹粉忌廉可樂餅
02hr30min製作難度：★★★☆☆份量： 2人日本人鍾意用鱈場蟹、松葉蟹做忌廉可樂餅（日式炸薯餅 Korokke與可樂同音，故稱可樂餅），入口非常鮮美，今次用牧牛湖時令蟹粉，外面脆，入面幼滑，好香口呀。
放大圖片 
放大圖片 
材料
蟹粉 100克、洋葱（切碎） 1/2個、鮮蘑菇（切碎） 50克、牛油 30克、牛奶 220毫升、小麥粉/鮮忌廉各 4湯匙、醬油 2茶匙、鹽 1/4茶匙、胡椒粉少許、麪粉適量炸漿：蛋 1隻、小麥粉 3湯匙、日本粗麪包糠 250克
做法 放大圖片 
1.開中火，下牛油起鑊炒香洋葱，加入蘑菇碎炒至乾身，下鹽、胡椒粉炒勻。2.收細火，加入小麥粉炒至淡黃色，加入牛奶拌勻至稠身，再下鮮忌廉拌勻至滑身，下蟹粉攪勻後再下醬油拌勻。3.盤上撒上麪粉，倒上忌廉蟹粉，鋪平，包上保鮮紙，放入雪櫃約 2小時至硬身，沿邊略，鋪上保鮮紙，反轉倒出，分成 8等份。4.將雞蛋拂勻，加入小麥粉拌勻成漿。忌廉蟹粉糰沾蛋漿，再上麪包糠。5.開大火燒滾油至 130℃，放入忌廉蟹粉糰，炸至表面金黃硬身撈起瀝油上碟。
放大圖片 
放大圖片 
純米酒煮大閘蟹
00hr30min製作難度：★★★★☆份量： 2人大閘蟹用日式清酒煮，可減輕蟹的寒凉，食落別有一番風味。
放大圖片 
放大圖片 
材料
大閘蟹 2隻、日本清酒 250毫升、大葉 4片（ 2片裝飾）、蒜頭（切片） 2粒、牛油 5克、醬油 1茶匙出汁料：昆布 5克、木魚花 10克、水 250毫升
做法 放大圖片 
1.凍水放昆布，開大火煮約 3分鐘至滾起，將昆布撈起，下木魚花，收細火，待木魚花滾起即隔渣倒出上湯成出汁。2.將蟹放入鑊，下酒略浸一會，反轉蟹身，加出汁、蒜片，蓋上蓋開大火煮滾，收中火煮 5分鐘，放一片大葉於蟹上，下牛油、醬油再煮 3分鐘。3.將蟹上碟，剪去水草，淋上出汁料，加上兩片大葉裝飾，即成。
放大圖片 
放大圖片 
大閘蟹關東風雜煮 放大圖片 
01hr00min製作難度：★★★☆☆份量： 2人日本年糕 Mochi與日文「擁有」的意思一樣，所以日本人過年食年糕有「年年有餘」之意，除燒外材料豐富的雜煮，亦是過元旦的食法，加入大閘蟹來煮更鮮甜。
材料
大閘蟹 2隻、雞扒（切塊） 200克、娃娃菜（切段） 1棵、白蘿蔔厚件 150克、鮮冬菇 4隻、甘笋片 25克、日本年糕 4件、鳴門卷片/三葉芹碎各 20克、柚子皮碎 1茶匙 醃料：清酒/醬油/味醂各 1茶匙 湯汁：清酒/醬油各 2湯匙、鹽 1茶匙、味醂 2茶匙、雞湯/水各 400毫升
做法
1.雞肉下醃料拌勻醃 15分鐘備用。2.砂鍋下雞湯、水、鹽，放白蘿蔔，加蓋開大火煮 15分鐘後，下甘笋煮 5分鐘。3.加入娃娃菜再煮 5分鐘，放入反轉大閘蟹，加蓋煮 8分鐘，取出蟹，一開二。4.再下雞肉、冬菇、年糕煮 5分鐘，放味醂、清酒、醬油煮勻。將湯料上碗，放上已斬開的大閘蟹、鳴門卷、三葉芹，最後撒上柚子皮碎即成。 
留言列表
