冧女手機兼玩唇筆 Kiss塗姐
貪靚係人嘅天性，有時更希望幫身邊嘅靚人、寵物化番個靚妝，咁 Fujitsu呢部 Kiss F-03D應該幫到你！淡粉紅色調，襯埋跟機唇膏筆形 Stylus，感覺已十足一套化妝專用 Accessory；除咗手寫日記，你更可任意畫公仔、填顏色，甚至為靚相轉個新 Look，加埋美白拍攝特效，貪靚嘅你肯定愛不釋手。記者：陳國輝攝影：劉永發Model： Waye@GME
其他副刊影片 3.7吋芒自畫靚唇 放大圖片 
■筆頭採用硬膠物料，寫起上嚟零舍順滑。
支援輕觸筆嘅智能手機，猶如翻生一樣，繼早前 HTC Flyer，三星 Galaxy Note更誇張到一度斷貨！其實手中有筆，唔止可提升手寫輸入嘅速度，仲能夠畫公仔填顏色，樂趣更多。 Fujitsu最新 F-03D，不但加入唇筆形 Stylus，更內置《 Tegaki Diary》程式，比一般手機記事簿只能輸入時間、地點等「例牌」資料做得更多， F-03D唔止介面設計到好女仔 Feel，仲可挑選唔同風格「簿皮」，如玫瑰花、粉紅格仔紋等，貪新鮮女仔都會滿意。除可挑選畫筆顏色、粗幼，喺日曆上任意寫字外，最特別係可即時插入相片，再調整大細、旋轉斜度等，執到靚先用。整體嚟講，手寫嘅玩意、流暢度幾令人滿意，可惜支筆除咗款靚，其實唔似得 Note可作出 Capture動作，加上 F-03D只有 3.7吋芒，用上手唔算好闊落，不過對女仔嚟講反而啱啱好。
放大圖片 
■粉紅機身加埋粉紅色筆，呢種配搭最啱女仔。
放大圖片 
$4,380
放大圖片 
■喺《 Tegaki Diary》內可隨意加插個人照片。
放大圖片 
■日記簿嘅「簿皮」亦有超過四種選擇。
影相有美顏特效
講到硬件規格， F-03D絕對唔似一般高階日系機，又玩雙核 CPU，又配備過千萬像素咁誇。不過， F-03D叫火力集中，擺明車馬冧女為主，唔止外觀、介面好 Kawaii，連相機都添置大量女仔分唇。舉例說，你可於拍照前選擇 Girly-glam style、 Beauty effect又或 Nature effect，分別係前者會帶出濃妝效果，例如加入大眼仔妝、深色粉底，甚至濃密細長嘅眼睫毛等；而後者則帶出感覺自然，像素顏般嘅妝扮。影出嚟嘅效果仲一啲都唔誇張，睇唔出有後期加工嘅效果，抵讚！至於女性手機必備嘅相框裝飾， F-03D亦無走雞，共十幾款，畀你慢慢揀。
放大圖片 
■前置同機背鏡頭，也可加相片特別效果。
放大圖片 
■除了英文，亦可單撈外掛程式手寫中文。
放大圖片 
■相片特效可揀美顏或自然風格，執到靚為止。
放大圖片 
■提供超過 20種顏色筆畀你，仲有唔同粗幼㖭。
Detail Snap 放大圖片 
■三粒鑽石形功能鍵，當有來電嗰陣仲會識得閃！
放大圖片 
■配 810萬像素鏡頭，外框仲可玩埋 Ring Flash。
放大圖片 
■機側 Slot有防水膠塞，令 F-03D具備 IPX5/8防水標準。
Docomo ARROWS Kiss F-03D
系統： Android 2.3處理器： MSM8255 1.4GHz屏幕： 3.7吋輕觸芒記憶體： 1GB ROM＋ 512MB RAM體積： 121× 59× 10.9mm重量：約 120g查詢：三禾電氣（ 2374 0618） 
留言列表
