李玟和李美鳳昨日來港出席活動，兩人一個新婚，一個久婚。李玟自爆婚後只見過老公兩日，造人都沒時間，非常恨見面；結婚十多年的李美鳳則難得撇甩老公，早前歐遊十多天更有法國男士送朱古力，她直認是回春之旅！
李美鳳和李玟昨日在尖沙嘴出席 Estee Lauder新專櫃開幕，兩人為慈善 box set簽名，幫 UNICEF籌款。一身紅裙配綠鞋的李美鳳，非常有節日氣氛，成功搶去比她年輕一大截、新婚的李玟鏡。
放大圖片 
李玟十月嫁給 Bruce，兩人婚後居然只見了兩日。資料圖片
放大圖片 
李美鳳和老公鄭翔中結婚十多年，恩愛得形影不離。資料圖片
老公好開心 放大圖片 
李玟（左一）和李美鳳（右二）和品牌中外高層各自談笑甚歡。
李玟 10月底和富商 Bruce結婚，婚後她密密工作又開騷，問她新婚的感覺？她說：「我噚晚問 Bruce我哋嘅新婚感覺，佢話：『婚後我只是見到你兩日，但真的很開心很開心！』佢好掛住我，不過都知我份工係咁，家又做番空中飛人，之後又去北京同 Black Eyed Peas演出。」婚後一個多月才見兩天，生仔大計豈非很難？她說：「順其自然啦。」不追龍 BB？她說：「趕唔切啦，你哋同 Bruce講。」李玟謂聖誕會放兩星期假陪老公，一齊返美國探夫家家人， 1月再開工。李美鳳剛好相反，結婚十多年，長年和老公孖公仔出入，她自爆最近和舊同學去了德、法旅行 14天，容光煥發直認回春：「真係回春，後生咗幾年，同啲大學同學一齊，感覺好自在、好似返學咁，真係返番去讀書時代。」心情靚絕的李美鳳，滔滔不絕，分享嫁到德國、法國的女友們的子女生活等：「嫁咗唔同種族嘅丈夫都好開心，外國人有外國人嘅風趣，將來個女話嫁外國人，我都 OK。」
唔敢招艷遇
問丟下老公半個月，回台豈非要好好補償？李美鳳說：「我哋日日一齊，形影不離。」問她今次有否艷遇？她說：「追嘅就冇，不過食飯都有法國男士送朱古力畀我，仲話叫我食嘅時候要諗住佢，法國人真係好浪漫！大嘅艷遇真係冇乜，有都要避開，因為有家室。」採訪：盧妹攝影：林德雄 
李美鳳（右）和李玟一紅一白，艷光四射。
留言列表
