雷凱欣憑着 36F豪乳接拍《 3D肉蒲團之極樂寶鑑》，火速成為宅男女神，她日前以低胸裝出巡掃聖誕禮物，專攻包裝精致的安全套，準備送贈異性友人，祝福他們度過安全的平安夜，她表示不介意性商品店用其肖像生產吹氣公仔，她還打算買公仔送給《 3D肉》片導演。
其他娛樂名人影片
擁 36F強勁身材的雷凱欣，因接拍蕭定一監製的 3D情慾片《 3D肉蒲團之極樂寶鑑》，人氣急升，工作接到手軟，聖誕將至，她大破慳囊挑選禮物與友人分享佳節氣氛。思想開放的雷凱欣日前到尖沙嘴購買情趣商品送贈身邊異性友人，就連新婚的蕭定一都有份。
放大圖片 
雷凱欣見到吹氣公仔即抱着不放，還好奇地掀開吹氣 Mary的衣服，十分搞笑。
放大圖片 
雷凱欣買了一條印滿美金的內褲送給新婚的蕭定一，希望阿一造人成功生個蕭一百。
抱公仔愛不釋手
穿上低胸裙的雷凱欣，大方走入商場的性商店購物，其間看到吹氣 Mary，她表現雀躍，不但攬着拍照，又好奇掀開吹氣 Mary的衣服，雷凱欣說：「我都係第一次見呢啲公仔，佢個 look好搞笑。」問到可會介意生產商以其肖像出產吹氣公仔？她說：「我真係唔介意，咁都係因為有人鍾意你先想用你個樣做公仔啫，同埋人哋拎住個公仔，好過去 download我啲相呀。」雷凱欣抱着吹氣 Mary不捨得放手，問她是否打算買來送贈《 3D肉》片中的親密拍檔葉山豪，她說：「唔會送畀佢囉，佢咁靚仔一定有好多女仔鍾意佢，唔使玩公仔啦，而且呢份禮物咁貴重，梗係送畀德高望重嘅人，例如導演。」為答謝蕭定一的知遇之恩，雷凱欣也專程進入男士內褲店買一條印滿美金的內褲給他，她說：「阿一啱啱新婚，一定要買啲靚啲嘅底褲，等佢老婆覺得佢 sexy啲，話唔定更加快造人成功，而且佢間公司叫一元，咁佢第時個仔可以叫做蕭一百啦。」
放大圖片 
雷凱欣聚精會神挑選別致的安全套送給男性好友作聖誕大禮，祝他們平安夜安全過渡。
放大圖片 
除了情趣禮品外，雷凱欣對布公仔和毛毛電話都十分有興趣，蹲在地上左揀右揀。
男士怕醜過女人
甚有異性緣的雷凱欣還狂掃別致的安全套，準備送給身邊男性好友作聖誕大禮，她並專心在貨架上仔細揀選，雷凱欣說：「我覺得好多男士都唔夠膽買性商品，佢哋反而仲怕醜過女仔，所以好多時我同啲女仔朋友都會揀呢類禮物。一直以嚟都話平安夜好易出事 o架嘛，咁呢份禮物就啱晒啦，我估啲朋友收到都未必估到係乜嘢嚟。」採訪：李珮洳攝影：葉君海場地： gi服裝： Grab of gi化妝、髮型： Angel 
雷凱欣見到吹氣公仔即抱着不放，還好奇地掀開吹氣 Mary的衣服，十分搞笑。
留言列表
