油耗 6.8L/100km真實數據 放大圖片

 

對於環保汽車新世代的發展,各大小車廠正處於各師各法的階段,這邊廂主力玩混能車,那邊廂就力谷電車,而歐洲品牌則從減磅及燃油技術等研發入手。平治的 CGI BlueEFFICIENCY系統,逐步滲透各級別車系作為低門檻款式,透過噴霧式直灑引擎的全新燃油技術,成功減低油耗。但要真正測試到它的慳錢表現,車廠數據唔會有人信,小試一兩段路亦難以求證,所以我們長測幾日搵出答案!揸住 E200由將軍澳工業邨出發往新元朗中心,途經大老山隧道,燈位唔算多,大部份係高速公路,全程以 Comfort模式行走 50公里,油耗竟然低至 6.8L/100km,每公里只需$1.02(以每公升汽油$15計算),實在令人有驚喜,如果你下下踩盡再收油則另作別論!至於到車多燈位多的市區就做唔到咁慳油了,往來市區一般要 9公升,但 E-Class屬大碼中型豪房,要負擔 1,615公斤的車重,油耗表現經已勝過好多同級車。

起步爽快 唔怕無力水 放大圖片
■軚感操控輕重適中,女仔揸都適合,是 E-Class另一大吸引之處。

■軚感操控輕重適中,女仔揸都適合,是 E-Class另一大吸引之處。

一般人對 E-Class推出 E200 CGI BlueEFFICIENCY都存在兩個疑慮,第一係怕 1.8公升引擎孭唔起咁大部車;其次就係它的直四引擎會比 V形引擎遜色,簡單啲講都係擔心影響性能,怕唔夠力。配備 Turbocharger引擎的 E200,負重上斜依然有力,加上新技術有提升燃油速度的功能,起步爽快反應敏捷,於高速公路踩深油門試力水,已有輸出源源不絕力量的感覺,但想真正展示力量,轉用 Sport Mode仲好玩,最緊要係唔覺得燒油燒得特別快;不過要求有 V6引擎的 Powerful的話,就難以相比,當行走 90km/h以下時,轉數錶一般維持在 2,000轉下, 100km/h以上時就會升到 2,500轉, V6引擎好少會咁聽話呢!講完揸車感覺,講番好多車主關心的實用程度。雖只屬 E-Class入門版,豪華配備唔多,但寬敞舒適的真皮櫳,令後座乘客坐得自在。而電動調校座椅、免提藍牙、自動轉向頭燈都是日常的好幫手。尾箱雖無揭背車咁靈活,但 540m3的容積已很夠用。惟獨覺得美中不足的,就係咁大架車只配 16吋合金輪圈,似乎不太夾,我定會補$5,500改換 17吋,但就用多點油呢!

放大圖片
■ LED尾燈於夜晚着起時更加靚。

■ LED尾燈於夜晚着起時更加靚。

放大圖片
■流線型的指揮燈側鏡設計既有型又安全。

■流線型的指揮燈側鏡設計既有型又安全。

放大圖片
■多功能軚環好用,行車資訊得心應手。

■多功能軚環好用,行車資訊得心應手。

放大圖片
■後座中間的手柄儲物位啱晒多雜物放的乘客。

■後座中間的手柄儲物位啱晒多雜物放的乘客。

 

E200 CGI BlueEFFICIENCY以慳油入門版招徠用家,對只求外形不求 Powerful的車主來說是好選擇。

放大圖片
■超闊落的後座,幾大份的朋友都唔怕逼。

■超闊落的後座,幾大份的朋友都唔怕逼。

放大圖片
■油耗 6.8L/100km屬真實行走數據,堅慳油!

■油耗 6.8L/100km屬真實行走數據,堅慳油!

放大圖片
■配備唔算多的 E200,中控台感覺有點 Dry。

■配備唔算多的 E200,中控台感覺有點 Dry。

放大圖片
■大部份電動調校的配備係豪華房車不能缺少。

■大部份電動調校的配備係豪華房車不能缺少。

 

E200 CGI BlueEFFICIENCY 放大圖片

 

引擎: 1,796cc直四馬力: 184PS/5,500rpm扭力: 270Nm/1,800-4,600rpm傳動:五前速+/-自動波後驅售價:$522,000( Avantgarde)查詢: 2895 7339(仁孚行)


全站熱搜

stacylife 發表在 痞客邦 留言(0) 人氣()