今年手機會興乜?又 iPhone 5?但巴塞隆拿 MWC2011前夕, Samsung率先公佈二代目 Galaxy S II,雙核心結合全球最薄智能手機之名,搶盡風頭!現場試玩賽車遊戲,速度快到連靚女都話劈到手軟!記者、攝影:陳國輝


其他副刊影片 實試賽車 劈彎扭軚激順 放大圖片
■ S II主頁面增至 7頁,更個人化。

■ S II主頁面增至 7頁,更個人化。

Galaxy S II最搶眼都係佢粒 1GHz雙核心處理器!即係幾快?想測試手機嘅速度以及流暢性,最好就搵隻賽車 Game同電影感受吓!記者會現場就提供咗蜘蛛俠同埋立體賽車遊戲,前者屬動作類,並加入大量過場動畫, CG表現夠晒穩定;後者更體現到畫面高速移動下嘅反應能力,尤其將手機當軚盤左扭右扭嗰陣,劈彎流暢兼唔窒格,抵讚!除咗 Dual Core,新介面仲加入四大 Hubs:即 Social、 Music、 Reader以及 Game Hub,特別係 Reader Hub,佢將新聞、電子書同雜誌放埋一齊,令用家整理容易,閱讀方便。

放大圖片
■電子書、報紙雜誌一機睇晒!

■電子書、報紙雜誌一機睇晒!

放大圖片
■ Hub將 twitter及 fb歸類。

■ Hub將 twitter及 fb歸類。

 

薄切 配放大版 AMOLED

S II另一賣點,係體形及屏幕質素大升呢!第一代厚度講緊只有 9.9mm,其實比起大部份 Smartphone,纖薄程度已算得上數一數二;但呢鋪更誇張,佢再激減一成得番 8.47mm,堪稱全球最薄智能手機!屏幕闊度亦由 4"放大至 4.3",並繼續採用 Super AMOLED技術,用嚟錄放 1080p全高清影片,甚至乎單撈 Apps打機,論畫質同速度,第二代嘅規格比第一代贏足成條街!

放大圖片
■個芒大咗,用嚟 Preview更清楚。

■個芒大咗,用嚟 Preview更清楚。

放大圖片
■ Smartphone厚度再刷新紀錄!

■ Smartphone厚度再刷新紀錄!

 

搶試 S II事件簿! 放大圖片
■全球過千傳媒雲集,場面逼爆。

■全球過千傳媒雲集,場面逼爆。

放大圖片
■以成隊樂隊迎接 S II來臨。

■以成隊樂隊迎接 S II來臨。

放大圖片
■想試 S II起碼要等 20分鐘。

■想試 S II起碼要等 20分鐘。

 

Profile 放大圖片
推出時間:第二季<br/>售價:未定

推出時間:第二季 售價:未定

系統: Android 2.3 Gingerbread處理器: 1GHz Dual Core制式: WCDMA/GSM體積: 125.3× 66.1× 8.49mm重量: 116g屏幕: 4.3" Super AMOLED Plus電池: 1,650mAh主要功能:內置 16/32GB、 800萬像素鏡頭連 LED燈、 1080p拍片、 HSPA+ 21、 NFC近距通訊技術、 Adobe Flash 10.1

同場加映新 Tab增磅 10.1"

唔知係咪蘋果教主曾點名批評 7" Tablet問題多多,引發多處火頭,所以 Samsung同時公佈埋升級版 Tab,會拉闊到 10.1"顯示!新 Galaxy Tab 10.1有幾勁?淨係個芒已經比第一代闊咗近三成,加埋解像度達 1,280× 800,睇戲、睇書感覺舒服晒!內涵亦跟 Galaxy S II相當接近,支援未面世嘅 Android 3.0之餘,更改用雙核心處理器,屏幕 Wide咗、速度亦快咗,令呢部 Tablet可以玩埋 1080p全高清錄放以及雙聲道音效,多媒體表現點都唔會比 iPad輸蝕。

放大圖片
■ 10.1"芒化身成電子書,揭頁流暢。

■ 10.1"芒化身成電子書,揭頁流暢。

放大圖片
■系統行 Android 3.0新介面。

■系統行 Android 3.0新介面。

放大圖片
■機底用防跣手設計,機背鏡頭加碼至 800萬像素。

■機底用防跣手設計,機背鏡頭加碼至 800萬像素。

放大圖片
推出日期:第二季<br/>售價:未定

推出日期:第二季售價:未定

 




全站熱搜

stacylife 發表在 痞客邦 留言(0) 人氣()