說閻奕格，你未必認識；要是說陶子陶晶瑩口中的「閻羅王」，你大概在YouTube上見過其人、聞過其巨肺聲。閻奕格從未出過個人專輯，沒有一首專屬歌曲，唱的是別人的歌，但是她在香港舉行《我回來了演唱會》，首場只消七分鐘售罄，臨時加開一場，三千多張門票則在數分鐘內被秒殺，拍得住「Lady加場」。

年僅廿二歲，兩年前以港人身份踩台灣《超級星光大道》場，繼而贏得《星光傳奇賽》冠軍，揚威紅返香港，閻奕格未因而升上雲端，她以一口流利廣東話說：「完全冇諗過會有咁好嘅反應，我唱歌係因為自己鍾意，依家有咁嘅成績，信心係多咗嘅。」

閻奕格的「鍾意唱歌」，是遺傳自身兼香港中樂團藝術總監及首席指揮的父親閻惠昌，和古箏演奏家母親熊岳，父母的音樂細胞，是她的先天寶藏，也令她擁有一個與別不同的童年，「爹哋媽咪都覺得音樂路唔好行，付出多，細個嘅時候我因為佢哋嘅工作而成日喺唔同嘅地方住。不過，佢哋都畀我做自己喜歡做嘅事，就算唔喺我身邊支持，佢哋all the way都係鼓勵我嘅。」

不用人生教練，閻奕格也知道自己後天的道路要怎麼走，唱別人的歌，風光還是歸於她自己。

一○年三月，閻奕格到台灣參加《第六屆超級星光大道》的踢館賽，首賽就是唱Christina Aguilera的名曲〈Fighter〉，YouTube上獲超過百六萬點擊率。

It Makes Me That Much Stronger

身高約五呎三的閻奕格，體形嬌小，與她的巨肺式歌聲成強烈對比。她生於音樂世家，自幼便在DNA巧妙的編排下，對音樂的感應特別敏感，胎教時期聽歌劇《Porgy and Bess》中的〈Summertime〉，兒時在北京、新加坡及香港，學彈鋼琴、跳芭蕾舞及學國畫，大包圍下，閻奕格選了唱歌。「爹哋媽咪冇刻意安排我學咩樂器，只係學最普通嘅鋼琴，唱歌都係我自己覺得有興趣，加上F.1時唱〈卡門〉攞到學校歌唱比賽冠軍，就開始學唱歌。」

「不過，佢哋初時都幾反對我行唱歌呢條路，我諗因為佢哋都係走類似嘅路，知道呢條路唔穩定，付出同收穫未必成正比，所以就唔鍾意我咁啦！喺我十二、三歲左右，我寫咗封信畀爹哋，半求半威脅咁請佢畀我學唱歌，哈哈！我話，如果佢想我好好讀書，就要好好地畀我學唱歌啫。」

閻母熊岳不捨女兒隻身留台，在閻奕格參加《星光傳奇賽》後期，即一○年八月時，到台北親身支持愛女。

很難想像，閻奕格生於九十後卻用最原始的文字向父母表達訴求，九○年生於北京，因父母工作關係，去過新加坡居住八年，在十一歲時才來港居住的她，核心價值跟土生土長的香港人無異，就是自由，最簡單的訴求，只是學習唱歌。

「唱歌係我表達自己的方法，我聽好多歌，唔係特別聽中樂，唔係咁cool啦可能係，反而聽好多外國嘅古典、流行音樂。到參加比賽，我先發現自己喺台上面完全唔同，唔會好似平時咁怕醜。

「就算對住一啲好好嘅朋友，好似我喺Boston嘅room mate、或者香港嘅朋友咁，我都係唔會同佢哋講關於我唱歌嘅嘢，但係喺台上唱歌，我可以跳舞可以做到平時唔敢做嘅事。」

閻奕格九○年於北京出生，因父親閻惠昌工作的關係，她三歲便到新加坡居住，到十一歲來港定居，十八歲負笈波士頓。