灣　仔

家陣嘅後生仔女，只係識得飛魚王子方力申，但係喺好姨個輩，娛樂圈飛魚卻是另有其人，佢就係大隻有型嘅鄧浩光，當時真係迷倒唔少少女，家陣佢息影從商，幫白花油王子顏福偉打工。雖然依家佢上咗岸，又有公司老闆顏福偉射住，但佢生活上就非常慳家，平日都係食吓車仔麵又當一餐。

日前好姨喺灣仔遇到鄧浩光，見佢雖然唔喺娛樂圈搵食，但佢身材依舊好Fit，佢當時企喺一間麵檔門口等緊外賣，不過人始終都敵唔過歲月嘅洗禮，驟眼睇鄧浩光的確改變唔多，但係佢拎出部手機睇短訊時，頭頂出現咗一小片地中海，而本來戴住眼鏡嘅佢，睇短訊時竟然要除低眼鏡，唔通佢開始出現老花？等咗冇幾耐好姨見佢攞埋外賣返回公司，做慣運動嘅鄧浩光都開始出現老態，好姨想唔認老都唔得啦。


等外賣嘅鄧浩光，身形依舊係大大隻，Fit到漏。


頭耷耷睇短訊嘅鄧浩光，竟然出現地中海，而且要除低眼鏡先睇得清楚，明顯係有老花。


退出娛樂圈嘅鄧浩光，懶理途人認得佢，拎住外賣離開。


雖然同老闆顏福偉係老友，但話晒都係打工仔，買完外賣即急急腳返公司。

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄