《荃加福祿壽》愈播愈勁，之前玩轉阿Sa同劉華嗰集，收視更高達 30點，總算為近期黑氣纏身嘅TVB洗洗頹風，可喜可賀。
早幾日三隻騎呢福祿壽王祖藍、阮兆祥、李思捷又再出動，今次仲玩到假大胸齊齊做好女人，當中以祖藍最抵死扮36F台灣巨乳女神瑤瑤，自稱「妖妖」大跳大唱《愛的抱抱》，少啲忍耐力都想打巴佢。
本來係搶盡風頭呀，點知半路殺出胡杏兒，話說當日佢步欣宜後塵玩挑戰，人哋扮徐子珊劣評如潮，佢仲激居然夠膽扮梅姐，真係囧一聲！
不過好彩呢位「真」女人仲有最殺食武器，杏兒一見祖藍就話要摸吓「妖妖」隻美腿，點知一烏低身即出事，春光乍洩，連白Bra都現埋，辣妹真係戥祖藍好眼福咯！咁識搶鏡，睇嚟仲有邊個夠膽笑佢囧。 
諗住抽吓祖藍水，點知最後原來係杏兒請對方食冰淇淋。 
人人都扮嘢，只有杏兒做自己，不過佢係真胸 ? 
杏兒扮梅姐，睇怕一出街，肯定又俾網民有排講。 
唔止件衫抄足，李思捷連舞步都有幾分城城影子，幾有山寨Feel。 
祖藍扮嘅「妖妖」身材迫爆又嬌嗲，唔係幾多人頂得順。 
祥仔真身上陣晒BraBra，睇，個腩幾搶鏡。 
福祿壽扮女人嘔心指數爆晒燈，睇之前記得做好心理準備。
全站熱搜
留言列表
