去年模橫行娛圈，搶去不少名模飯碗，就連電視台肉彈生意亦大受影響。據知，TVB有見及此，早在半年前已秘密揀蟀，力捧一班選美出身的小花成為「新一代咪神」，一方面取替幾位已上岸或人氣下滑的TVB過氣肉彈，另邊廂又可為公司撲水開源，其中以擁34C天然胸的高海寧最進取，人氣急升之餘又泊到富豪碼頭，一露成名。
真材實料
34D 高海寧
徐淑敏閃電結婚生仔，泊到個好碼頭唔使做，索性將無綫「咪神」寶座讓給高海寧，事實上Suki過去亦曾幫TVB賺過唔少錢，憑着出眾的身材，先後擔任旅行社及化妝品牌代言人。無獨有偶，「新咪神」高海寧最近又撻着旅行社老闆丘至剛，更被揭發二人在車廂摸黑談心，大有潛質步Suki後塵，閃電嫁入豪門。 
泳衣價‧5萬 成功取代：徐淑敏
不過，未嫁入豪門之前，高海寧都要繼續拋胸為TVB賣命，上月30日她就無懼寒風以一身Lolita打扮力拚同場以侍應打扮的Lavina（鍾蕙芝）與A.Lin，被問到是否覺得自己太Sexy，她笑說：「個Job係公司幫我接，公司覺得OK我就OK！」咁聽話，難怪高海寧接Job接到手軟，成為新一代咪神首領喇！ 
賣肉賀歲 在賀歲片《72家租客》中，高海寧與梁政珏以三點式泳衣上陣，成為此片必睇位。 
在電影《美麗密令》穿透視睡衣，非常惹火。 
TVB成功打造高海寧成新一代咪神，力抗來勢洶洶的模。 
釣金龜在望的高海寧，早前被本刊拍得與旅行社老闆丘志剛拍拖，愛得相當高調。 
全盛時期的徐淑敏，泳衣騷企硬收 7萬蚊一場，仍有不少捧場客戶。
風塵味道
35D 梁政珏
由《同事三分親》的純情玉女May May，搖身一變成為性感女神的梁政珏，同樣是TVB力捧的咪神接班人之一。據知情人稱：「梁政珏係六嬸嘅親戚，唔少監製都收到風，要爭相用佢，正所謂朝中有人好辦事，所以佢人氣升得咁勁，又拍劇又拍戲囉！」事實上，從不吝嗇賣風騷的梁政珏，與過氣港姐肉彈陸詩韻一樣風塵味滿溢，是富豪客戶眼中的上品，加上近年陸詩韻因埋富豪堆，形象不討好惹女高層生厭，落得被公司雪藏的命運，而她亦索性棄影從商幫屋企做生意。陸詩韻急沉，梁政正好趁勢踩住上，最近代表作是在《美麗密令》活動上餵王晶食燕窩搏搶鏡，肯搏肯露又肯冧老闆，絕對是肉界上位之星。 
泳衣價‧4萬 成功取代：陸詩韻 
年資尚淺的梁政珏，憑住驕人身材深得王晶垂青，獲派演《美麗密令》，前途無可限量。 
近年被投閒置散的陸詩韻，過去曾是泳衣騷常客。
小家碧玉
32B 馬賽
港姐盛產肉彈，但要數性感得來形象健康的代表人物，非楊思琦莫屬，思琦妹擅用天賦本錢，高峰期行一個泳衣騷叫價7萬元，「思琦形象入屋又唔Cheap，有一班長期客戶支持，只可惜佢俾公司雪藏之後，人氣開始下滑。」思琦妹後勁不繼，TVB唯有改捧形象小家碧玉的馬賽行思琦舊路，「馬賽份人好怕羞，但經公司輔導之後，已經嘗試盡量性感。」知情人續稱。事實上，馬賽絕對是有料之人，最近在《女王辦公室》表演又獲好評，上位在望。 
泳衣價‧2萬 成功取代：楊思琦嬌小玲瓏的馬賽，實屬禾稈?珍珠，相信假以時日必成大器。 
年屆三十的楊思琦，雖已晉身中女行列，但擁有天使面孔魔鬼身材的她，着起泳衣仍然有睇頭。
平胸之選^
32C 呂慧儀
咪以為一定要胸前偉大才稱得上肉彈，好似以「飛機場」見稱的葉翠翠，憑住後天加工（她曾坦言出騷靠胸墊輔助）加上努力進取，一樣可以躋身泳衣騷，不過自翠翠忽然富貴進駐賽西湖豪宅後，錫身的她已少有性感亮相，取而代之的是同樣靠選美入行，人稱「長腳蟹」的呂慧儀。長腳蟹除了擁有43吋長腿外，近年亦有拍纖體廣告，雖然上圍同翠翠一樣冇乜睇頭，勝在骨肉均稱，一樣有捧場客。 
泳衣價‧3萬成功取代：葉翠翠憑「謎女郎」上位的呂慧儀，又贏得「長腳蟹」美號，最近仲升呢做電影《惡胎》第二女主角，氣勢如虹。 
自傳出有富豪照射後，葉翠翠已絕跡泳衣騷，把美好身段留給知音人。
內部鬥爭
一班以高海寧為首的TVB 咪神勢不可擋，年輕貌美，平均年齡在廿四歲以下，有衝勁又唔會推Job，肯搏肯露，故自去年尾冒起後，令TVB經理人部門營業額急升三成，據知六嬸開會時，亦有表揚有關人等捧人策略有一手。知情人表示：「上面畀多啲自由我哋，依家方向唔同咗，以前成日驚形象唔好，好多騷唔敢接，依家就算要啲女Cheap 少少，打正旗號賣性感都OK，總之意識健康就得喇！」
一代新人勝舊人，據知這批新咪神應市後，亦間接造成了TVB內部自己人打自己人的困局，「陳法拉、徐淑敏就話上岸唔再行性感嘅，但仲好有多女仔恨做，但班舊人有一定知名度，唔通同班新女鬥平搶Job咩，長此落去，舊人一定會被淘汰！」知情人續稱。 
嫁人上岸 升呢做黃太後，徐淑敏已定下三年抱兩大計，復出行性感係天方夜譚。 
豪門少奶 與Neway太子爺薛世恆好事近的陳法拉，為免未來奶奶唔高興，近年轉型行婚紗騷，突顯豪門少奶高貴一面。 
此情不再 過去楊思琦、葉翠翠與陳法拉橫掃大小泳衣騷，三人的騷價高企六至九萬。 
大方性感 過去陳法拉現身泳衣騷，就算三點式上陣，形象仍不失大方高貴。
肉彈混戰造成惡性競爭，至於由錢國偉一手捧紅的一班「美味天使」亦受事件影響，冇人敢搵她們出騷，難怪TVB近年頻頻為一班新咪神製造上位機會，又安排她們接拍外面的電影，實行影視兩棲發展。「利」事當頭，剝得快好世界，難怪人人搶住露。
優惠套餐
TVB藝人部為了促銷旗下藝員，除了力捧一班有潛質行性感的「咪神」出騷外，亦安排眾人以Twins姿態孖住出席活動，據知情人表示：「好似買一送一咁，一個價錢請兩個星，可能一個紅啲，一個少啲人識嘅，就係咁樣一個帶住一個，客人會覺得好抵，電視台又捧到新人。」表面上係買一送一，實際是雙贏，何樂而不為。 
高海寧x沈卓盈
二人同行價：6萬
上月初，高海寧以第一咪神身份帶住沈卓盈出席遊戲發布會，兩女均打扮性感，谷胸兼露腰上陣。 
撼贏模 上月尾，高海寧與沈卓盈奉命以一身Lolita裝束與模Lavina與A.Lin在活動上正面交鋒。 
呂慧儀x苟芸慧
二人同行價：4萬
今年一月，呂慧儀與苟芸慧孖住出席軒尼詩活動，名氣稍遜的苟芸慧以低胸露背裙亮相，低V鬥贏「長腳蟹」！
留言列表
