08年10月，拍拖16年嘅呂方同鄭裕玲忽然分手，呂方唔只極速搬離愛巢，就連盛傳係鄭裕玲出錢買嘅BMW跑車都要沒收，又話分手唔係因為錢銀問題，不過一向低調嘅鄭裕玲公開話二人係和平分手，冇擘面，再見亦是朋友。
幾個月後，鄭裕玲同呂方盛傳復合，不過兩位當事人貫徹一貫作風唔多想講，時間亦都證明二人冇復合。早前，本刊喺中環IFC發現戴住黑框眼鏡嘅呂方一個人現身Cafe，佢喺麵包部左揀右揀，期間同啲店員傾到鬼咁開心，點知一擰轉頭見到有記者影相，又即刻收起笑臉擰歪面，跟住，呂方俾錢攞麵包走人，臨俾錢嗰刻仲傾到笑晒口鬼咁燦爛，點知一轉身，可以嗰幾秒間收起棚牙，再斜睥記者，咁多年一樣唔會同傳媒打交道。
相反，大方得體嘅舊情人鄭裕玲就唔同喇！喺影到呂方買包後兩日，本刊喺中環置地廣場再發現打扮得高貴成熟嘅鄭裕玲同女友人一齊行街，沿途有唔少人認出佢，佢都即時禮貌地點頭打招呼，跟住再同女友人入?去手袋名店TODS度購物，全程笑笑口，成個親善大使咁款，單身嘅女人一樣可以好快樂。 
早前，呂方一個人現身中環IFC買麵包，一發現有記者影相即時黑面。 
呂方同Cafe店店員相當好傾。 
笑住走?呂方，一擰轉身見到記者，都嚟唔切收起笑臉。 
用幾秒時間收起棚牙嘅呂方，即時斜睥記者，一臉不屑。 
兩日後，悉心打扮嘅鄭裕玲同女友人喺中環置地現身。 
鄭裕玲一路落電梯，一路周圍望，同其他途人打招呼。 
冇拖拍一樣樂在其中嘅鄭裕玲，同女友人去名店揀手袋。
全站熱搜
留言列表
