家陣個個都玩微博，就連你最估佢唔到嘅郭富城同李嘉欣都啱啱加入大隊，就證明微博嘅魔力有幾大，所以遲啲若大家見到六叔同賭王現身微博嘅話，大家絕對唔使驚訝。但究竟微博有幾好玩，好姨去完無綫新劇《洪武三十二》嘅造型記招之後，終於有所頓悟。

當日，好姨就見到謝天華同江若琳，個個拎住部相機你拍我、我拍你，影完又即刻將啲相上傳微博，不過俾班藝人「無所事事」嘅時候可以自娛，都唔係微博嘅最大好處，反而微博最勁嘅地方係可以俾啲「無所事事」嘅藝人容易落台。你知啦，做呢行，企喺台上冇記者影好難堪嘅嘛，但玩咗微博嘅話，自拍之後　攞個電話，就唔怕俾人話冇嘢做啦。所以你睇，鄺佐輝幫位臨記影相影得咁開心，又遲遲都唔使落台，你就明白微博有幾偉大啦！


個個藝人都中晒微博毒，江若琳明明開緊記招，都忍唔住手上載兩張相，證明佢毒性已深。


《洪武三十二》擺明係套古裝劇，但試造型當日，個個都拎部電話出嚟玩微博，好唔match！






請大家將注意力放喺天華同子珊……後面，就會見到鄺佐輝同位臨記都係微博之友，重影到唔捨得落台添。

arrow
arrow
    全站熱搜
    創作者介紹
    創作者 stacylife 的頭像
    stacylife

    明星靚相大分享☆

    stacylife 發表在 痞客邦 留言(0) 人氣()

    E-mail轉寄