旅行旅遊新加坡烏節路試身室自拍　喪拼魔擒石－明星靚相大分享☆

我對我 honey都算唔話得，見環球影城新鮮滾熱辣即刻帶佢率先試，玩足成日第二朝成身散晒，點知佢又嬌聲嗲氣：「 BB，人哋帶唔夠衫嚟，口尋日啲衫又臭臭，不如同我去買幾件衫衫吖~」，說得我身心酥軟，我知，佢無非想 shopping啫， OK，腳仔軟都陪佢行……記者、攝影：曾冠輝模特兒： Iris@Pure Models鳴謝： Singapore Airlines、新加坡旅遊局、 Park Hotel Clarke Quay

其他副刊影片我的試衫 Snapshots 放大圖片

喺新加坡 shopping好簡單，唔需要甚麼天書攻略，所有嘢喺晒一條 Orchard Road上，幾個相連大型商場足夠滿足一切物慾！不過，商場都分檔次，外表「閃令令」的 Ion滿場大 brand，我一介庶民當然唔敢帶佢行，直奔後段的 313。「 Honey，無理由嚟到新加坡買啲香港都有得買嘅衫 o架嘛，呢間 Forever 21啱晒你啦！」大概是美國版 H&M，因為鄰近只見日本、韓國、馬拉和新加坡都有而保留一絲矜貴，而呢間更是年初啱啱開幕，高 4層。我早有出血準備，由底層掃到 2樓， honey三扒兩撥已攞到成手衫：「你話呢件會唔太性感呢？」新加坡女仔比港女開放得多，着衫較「疏爽」，熱褲之餘日日一件大露背背心見人，真係要多謝全年熱辣辣的氣候。「 BB你喺度等我，我要入去試幾個新造型，一陣畀個驚喜你。」 Forever 21全場女裝，我一個麻甩佬如是者呆立於女人堆中苦等都唔係辦法，行過隔籬有間專賣 tee的打正旗號為男士服務：「 New Urban Male」。店內全是自家設計 tee，離不開簡單利落的圖案或幽默字句，藍綠、桃紅一類 fancy用色多，四個字：盛夏青春，又係時候為夏天入定貨。買完剛好喺佢未試完衫歸位，以為佢會逐件試出嚟俾我睇睇：「 BB你睇吓邊個造型啱我多啲？」只見一堆試身室自拍：「唔……我諗樓上仲有好多唔同造型可以揀，我地上去囉」，嘩！仲嚟？

Forever 21 放大圖片

放大圖片

樓層： G/F-3/F網址：http://www.forever21.com

New Urban Male 放大圖片

放大圖片

放大圖片
■店內主打之一是幽默的 slogan tee。

■店內主打之一是幽默的 slogan tee。

樓層： 4/F　網址：http://newurbanmale.com

a. 313@ Somerset地址： 313 Orchard Road, Singapore網址：http://www.313somerset.com.sg

全球最高室內攀石牆放大圖片
■攀石前最緊要戴好安全帶。

■攀石前最緊要戴好安全帶。

恕我真係怕尷尬兼無耐性，趁佢又拎咗堆衫入去 fitting，偷偷溜過隔籬 Orchard Central。商場是真正明白男士的苦況，在場內設置了一幅樓高 5層全球最高的室內攀石牆，有 5條不同程度的 course可揀，有專業教練指導，讓一眾苦等於試身室前的男士得到一刻的釋放。「先試試左邊最容易的吧，然後再挑戰更高難度，你有一個鐘時間！」昨日腳軟未除，呢刻成功戰勝入門難度經已萬幸：「腳軟？唔怕，攀石是全身運動，懂得方法便可平分着力點。」但我就係唔識，耗盡雙臂之力才爬到上頂，此時耳後傳來一把熟悉而高頻的聲音：「你做乜粒聲唔出走咗去？」係我唔啱，為咗番佢惟有認衰，先同佢爬多次牆，再陪佢繼續 shopping。商場地下有間貌似 Bauhaus，實質來自西班牙的時裝品牌 Desigual，係，香港朗豪坊 Seibu都有個檔仔，不過新加坡呢間好行得多。 Desigual走中檔格調，今期設計以繽紛碎花為主而帶民族痕迹，優雅得來亦帶性感。

放大圖片

放大圖片
■呢個款相當似盜墓者羅拉。

■呢個款相當似盜墓者羅拉。

Border X　樓層： 4/F費用：攀石每人每節$168/2小時網址：http://www.borderx.com.sg

藝術商場空中花園

Orchard Central是個人最愛的商場，唔止因為多嘢買，更欣賞其商場理念：城市綠洲，在高人一等的 12樓頂層固然有開闊視野可俯瞰市景，且還有個空中花園，種滿植物，「咦，會唔會有蚊蚊咬 o架 BB，我啲皮膚咁嫩……」花草處處卻竟無半隻蚊蟲，原來只要打理得宜，花草亦可與城市並存。此外，花園的藝術氣息亦滿載，放滿本土和日本藝術家的作品，血拼到攰上嚟唞唞氣極舒服。而且花園 24小時開放，同 honey上嚟睇夜景都幾浪漫。

放大圖片
■ Desigual是難得可兼顧男女需要的店。

■ Desigual是難得可兼顧男女需要的店。

放大圖片

Desigual　樓層： G/F網址：http://www.desigual.com

放大圖片
■花園除了植物，還擺放不少藝術品。

■花園除了植物，還擺放不少藝術品。

b. Orchard Central Shopping Centre地址： 321 Orchard Road網址：http://www.orchardcentral.com.sg

近水樓台先得蒲放大圖片
■房內佈置典雅舒適。

■房內佈置典雅舒適。

Honey愛蒲，與 Clarke Quay僅是步行距離，座落新加坡河畔，靜中帶旺的 Park Hotel最啱佢心水，酒店去年中才開幕，設備簇新。我最喜歡其酒店泳池，四周明明都是高樓，大熱天時下突然出現一潭清泉最透心凉。酒店建築採古典殖民地風格，房間則是現代而活潑的佈置。且是來自香港的酒店集團，質素更加可以放心。

放大圖片
■酒店平台泳池真係大熱天時下的恩物。