今時今日，環保成為每個現代人嘅必修科目，亦係新一代汽車界嘅大課題， Mercedes-Benz嘅代表作，就係配備直四渦輪增壓嘅 CGI BlueEFFICIENCY引擎。日前佢哋更大搞 CGI傳媒試車日，由 3架新成員率領藍血家族一次過晒冷，展示平治呢股不斷擴張嘅環保新勢力。記者：許維雅 攝影：林栢鈞Model： Ice@Z.models
霧化燃油車身減磅 放大圖片 
■多部 CGI Blue EFFICIENCY車系於淺水灣 Showroom晒冷， 5個級別，各具特色。
有留意 Mercedes-Benz新車嘅車迷，大概都知道佢哋於舊年年尾推出一副以環保掛帥嘅 CGI BlueEFFICIENCY引擎。話明環保，慳油及減少廢氣排放理所當然，但究竟引擎係如何運作帶出環保效果，其實大家都一知半解，所以平治就安排咗產品管理部經理 Paul同大家詳細講解。原來平治近年投放了大量資源研發嘅 CGI直四引擎係透過燃油直接噴注技術而提升燃油效益，引擎備有嘅噴壓技術可以有效霧化電油，令電油燃燒時更直接，引擎左邊有渦輪增壓配備提升引擎輸出，而右邊更裝有節能軚泵，加入感應器接駁軚環，透過電腦感應駕駛者操控習慣，從而智能控制燃油量輸出。加上電子控制油泵等配合，達至最理想慳油效果。還值得一提嘅係，工程部優化了裝嵌零件嘅程序及技術，成功令引擎輕量化，減輕車身重量，喺引擎蓋附近位置加裝膠邊及閘門，減低風阻自然對慳油同樣有效。 CGI引擎耗油量嘅最大減幅為 23%，又可大大減低廢氣排放，無影響馬力之餘，扭力及 0-100km/h嘅時間更有所提升。
放大圖片 
■ CGI引擎馬力恰到好處，女士操控都顯得易如反掌。
放大圖片 
■車尾擾流、車身骨位等低氣阻線條設計，都有助慳油表現。
放大圖片 
■環保引擎新勢力！
放大圖片 
■軚環有感應器紀錄駕駛者嘅操控習慣，利用智能控制燃油量輸出。
放大圖片 
■ CGI BlueEFFICIENCY引擎暫時只得 1.8公升容積，相信不久的將來會有更大容積出現。
放大圖片 
■磨砂銀色頂架配在白色車身之上，增添不少型格。
放大圖片 
■方形側鏡外形煞食，亦有助減低氣阻。
一副引擎不同馬力 放大圖片 
■特大尾廂嘅旅行車，無論放幾多雜物仍然感覺鬆動。
其實 CGI引擎於舊年第一次曝光時，最先係放落 E200房車身上取替 V6引擎，直至日前嘅 CGI試車日， CGI BlueEFFICIENCY系列已增新至 5個級別 10種不同款式嘅汽車，包括 C180房車及旅行車、 C200房車及旅行車、 C250房車及旅行車、 E250房車、旅行車及 Coupe版。一次過晒冷任試，最有吸引力當然係新加入嘅 C250旅行車。於淺水灣附近繞圈，不停上斜落斜直至駛到壽山村道，沿途力量十足， CGI引擎爽快利落。黑頂白身大尾車型本來已經夠氣派，而 C250T版本更係 Sport Edition，兼有 Dynamic handling及 AMG Sports package等配備為外形搶分，容量極大尾廂大大提升實用程度。雖然 CGI引擎暫時只得 1.8公升，但同一副引擎用於不同型號，馬力及扭力輸出都有所不同，全因廠方因應唔同車款需要而調節，好似 C250就備有最大嘅 204匹馬力及 310Nm扭力。另一新型號 C180就只得 156匹馬力及 250Nm扭力。 CGI引擎進一步用於 C系及 E系嘅細容積車上，相信不久的將來會有更多不同容積嘅 CGI引擎出現。
放大圖片 
C180 CGI Saloon（ 156匹馬力）
放大圖片 
C200 CGI Saloon（ 156匹馬力）
C250 CGI Estate規格 放大圖片 
引擎： 1,796cc直 4渦輪增壓馬力： 204hp/5,500rpm扭力： 310Nm/2,000-4,300rpm傳動：五前速自動波售價：$499,500查詢：仁孚行（ 2895 7339） 
CGI BlueEFFICIENCY新成員
C250 CGI Estate（ 204匹馬力）
留言列表
