周月超掛汁沾麵 @ 明星靚相大分享☆

日本拉麵風吹極都未完，如Michael所說，香港的拉麵店就快比東京還要多。
不過這間周月卻是令Michael引頸以待的日本拉麵品牌！
「呢間拉麵店早在05年喺四國愛媛縣松山市開第一間店，今次空降香港，老闆好有心機，唔單只醬油由日本空運到港，連裝修、擺設同餐具都好有日本風味，隻隻碗都係人手繪製㗎。」

其實日本拉麵店進軍香港，空運日本食材、拉麵機同日籍師傅，已經是基本要求。但周月的沾麵造得出色，除了因為師傅堅持每日12:30pm在半開放式廚房製麵，還因為他們用特定的比例混和2種日本麵粉，一種是用來造拉麵的，另一種則是用來造烏冬，所以吃起來小麥味更濃，更有口感，加上這裏的沾麵比市面的要粗2-3倍，所以吃起來更煙韌、更彈牙，亦可以掛到更多湯汁。
提到沾麵湯汁，這裏真的好巴閉。拉麵店和有140年歷史的日本百貨公司梶田商店合作，特別製作一款在木桶發酵18個月的專用醬油造湯底。然後師傅加入乾帆立貝粒、沙甸魚粉、鯖魚粉、純米醋，再溝入熬煮了6小時的雞湯，雞味香濃卻沒有蓋過魚的鮮甜味，比起普通豬骨湯底更易入口。最特別是，湯汁面有一層1-2cm的油，這是特別用乾帆立貝粒和純日本大豆白絞油，慢火煲煮30分鐘而成的，加到湯中，唔但只唔油膩，更為魚的鮮味加了分。其實大豆白絞油是純大豆油，健康到連日本的BB奶粉都有，絕對唔會太肥膩。

即場製麵示範

周月真係我近期的新寵兒，特別佢個沾麵，好少香港拉麵店會造到甘彈牙有咬口，而個湯濃又唔會太膠，張住個口。

周月
地址：中環歌賦街5號電話：2850 6009

《FACE》飲食版監修人少年食神 Michael 何謂missing out?
本地有不少舊菜式被封箱，絕跡的原因可能是製作繁複、老師傅年華老去等等。不過只要你飲食經驗豐富，用心搜索，總有漏網之魚在附近。每期少年食神Michael發掘滄海遺珠，把舊時的食物連帶回憶重現眼前。 ####

Tsukemen $85