楊千嬅過檔華星頭炮歌《飲酒思源》出師不利，高音位竟飄游在走音邊緣，令天后失威顏面有損。據知，烈女千嬅為保金漆招牌，下令「回收」次貨。

咁多人撐我，真係感動！（設計對白）

千嬅於五月十四日隆重加盟華星，並同日派新歌《飲酒思源》上台催谷，歌曲由陳輝陽作曲兼監製，林夕填詞，加埋千嬅組成的鐵三角本是萬無一失，然而，歌曲派台後，有人發現千嬅演繹這首歌時把聲好攰，唱到高音位「人情愈講愈多」竟飄游在走音邊緣，高音不穩，有粒音疑似歪了。

楊千嬅於月中加盟華星，盛大記者會壯聲勢。

頭炮不容有失

據知，千嬅在記者會後已飛往非洲探訪，未知歌曲「出事」，向來要求嚴格的千嬅，重聽派台歌覺得自己演繹不在狀態，嚴重影響她的專業水準，加上這首歌是她加盟華星後的頭炮之作，不容有失，遂主動向公司要求回收派台歌，將重新灌錄一個完美的版本派台。

記者向各大電台求證，新城知訊台台長朱明銳承認華星表示會派新版上台，他說：「聽唱片公司講，千嬅唔滿意錄音水平，當時佢狀態唔好，喺身體唔舒服情況之下錄音，可能時間太趕，所以監製都ＯＫ收貨。（係咪有走音？）自己聽覺得唔係千嬅平時嘅水平，有輕微走音，高音達唔到水平，不過，我好欣賞千嬅肯改過，追求完美，夠膽話唔滿意，值得其他歌手學習。」

而港台周國豐表示：「華星話千嬅覺得可以唱得更好，所以會再唱多個版本，可能千嬅要求高。（走音？）好難去界定，只可以話未必係千嬅唱得最好嘅歌，但係咪去到回收就見仁見智。既然千嬅想再錄一個版本都好，始終係佢加盟華星第一炮，要求高啲，我都贊成千嬅諗法。」至於商台高層甘菁菁則力撐千嬅：「聽唔到走音，首歌上咗叱咤榜（第十七位），如果千嬅覺得再錄好啲不妨再派。」

著名音樂人陳輝陽是千嬅新歌的監製。

哮喘依然聲甜

據知，千嬅錄音當日因哮喘病發，影響水準，但因為歌曲趕派台，千嬅惟有抱病照錄，結果監製陳輝陽亦收貨，之後千嬅飛去非洲探訪，返港才知歌曲未夠完美。過去千嬅曾被彈唱現場時有走音和唔夠氣情況，後經苦練，水準已經一日千里，故千嬅返港後即主動要求公司「回收」次貨，重新灌錄「真正千嬅版」派台。

目前千嬅身在台灣錄音，她在微博上載了錄音室的相片，寫道：「我依家真係需要戒咖啡。」小美留言勸喻：「忍吓口，過咗錄音期先。」可見千嬅十分緊張新碟錄音。

記者向華星了解，發言人表示：「之前千嬅身體唔舒服，病咗一星期都錄音，雖然唔可以係藉口，但出嚟效果千嬅唔多接受，佢主動提出想再錄過好啲，今次係千嬅『重返』華星第一炮，佢好有期望，無奈身體不適影響錄音。（回收舊版派台歌？）冇，由電台處理。」

對於監製陳輝陽當日何以收貨？發言人說：「佢覺得雖然千嬅病緊，但把聲甜美，接受到。（係咪走音？）so far冇走音，佢病咗幾日，唱到呢個水準都ＯＫ，係千嬅覺得對唔住大家，依家身體好番點解唔錄好啲，頭炮要省招牌。」

採訪：音樂組

DJ點聽？點睇？

Vani：佢唱呢首歌高音時好辛苦，佢上星期同我講過，錄音時哮喘發作，狀態唔好，錄咗四日，其實首歌水準係好，只係佢不在狀態。（走音？）冇，如果有走音都唔收貨，只係唱高音有啲吃力，喉嚨收緊。（佢有冇唔開心？）覺得無奈，力不從心。（佢收番首歌？）冇聽過，叫咗佢調理好身體，休息好啲再錄過。

Vani

余宜發：我播過首歌，覺得營造華星年代嘅佢。（佢唱成點？）確有好多朋友話唔係咁好，我第一次聽時都覺得有走音，但覺得佢係刻意，因為第一段高音位係有啲，但第二段又冇喎，所以說服自己唔係走音，況且佢都派得上台出晒街。（佢都唔滿意狀態，打算錄過。）吓！真架？仲以為佢刻意添。

葉文輝：首歌幾好聽，每次佢有新歌都好期待歌名同歌詞，因為佢啲歌好中時下年輕人口味。（有冇覺得佢唱到走音？）冇喎，唔差，算係咁，一貫千嬅粉絲都會鍾意嘅歌，首歌係佢加盟華星頭炮，好有感覺，我幾欣賞。

余宜發

葉文輝

走音捱批反應各異

圈中有不少歌手曾演出走音，惹來廣泛爭議，而他們面對批評則各有不同回應及處理或改善方法。

傅穎

傅穎

09年，傅穎因連場走音而遭四面八方圍攻狠批，她曾為此而嚎哭，表示不想外界只覺得她賣樣。

改善方法：將勤補拙，克服恐懼心理。

鄧麗欣

07年，鄧麗欣曾多次唱Live時失準，被網友封為「鄧走音」，並承認有為批評喊過，自己亦有諗是否真的唱得差。

改善方法：堅持盡心盡力，藉個唱為自己平反。

謝安琪

謝安琪因演唱《囍帖街》頻頻走音被網民圍插，而相比官恩娜翻唱時又獲網友激讚。

回應：大家各有風格，好少拎歌去比較。

鄧麗欣

謝安琪

吳國敬撐千嬅態度正確

千嬅作為天后，歌藝毋庸置疑，今次的派台歌失準，仍獲眾DJ支持，歌唱老師也力撐她亡羊補牢的正確態度。吳國敬說：「我聽過好多出色嘅歌手，某一句都唔係好到，但係有感情搭夠都OK。我冇聽過千嬅首歌，但係我覺得唔應該用病嚟做藉口，因為錄歌係要以最好狀態去錄，佢決定咗錄過，即係佢都知道有問題，精益求精係啱嘅，呢個態度好正確，我撐佢。」

吳國敬認為千嬅的態度值得嘉許。

陳潔靈則說：「我冇聽過好難評論，有時好多外在因素影響咗身體，可能依家係暫時派住先呢。身體唔係十全十美嘅機器，要保護自己嘅所有器官，不過點解會冇人聽到呢？但呢個唔係好大問題，幾叻嘅歌手都會遇到、都會面對。」

陳潔靈認為偶一失準並非大不了。

千嬅 哮喘走音回收次貨

楊千嬅重金加盟華星的頭炮作品《飲酒思源》派台後竟疑似走音，千嬅自覺愧對歌迷，主動要求回收次貨，重錄後再派台。

本報收到消息指千嬅灌錄新歌《飲酒思源》時，因哮喘病發影響水準，惟當時要趕製新歌派台，而監製陳輝陽亦收貨，千嬅以為歌曲OK，加上早前已飛往非洲探訪，故不清楚新歌派台反應，直至返港後細聽後才發現自己不在狀態，要求高的她為保聲譽，主動向唱片公司要求回收次貨兼重錄歌曲再派台。

陳輝陽



千嬅早前到非洲探訪，故未清楚新歌派台情況。

現時在台灣的千嬅，未有受走音事件影響繼續工作。

朱明銳：值得學習

有人聽過歌曲後發現千嬅唱到高音位「人情越講越多」時，浮游在走音邊緣，有粒音疑似唱歪，明顯不是千嬅平日的水準，難怪有傳華星要回收派台歌！記者致電商台高層甘菁菁求證時，她力撐千嬅沒有走音，而歌曲亦登上叱咤榜；至於港台的周國豐表示好難界定走音，若千嬅追求完美重錄是好事；至於新城知訊台台長朱明銳表示歌曲不是千嬅應有水平，有輕微走音，但他欣賞千嬅勇於改過，值得其他歌手學習。

文：音樂組

千嬅因哮喘影響錄《飲酒思源》的水準，但監製陳輝陽亦收貨。 (設計對白)